Advertisement
 
 
 
 
 
 
 
 

Imyidagaduro

Kigali: 2 Face yatewe ipfunwe no kuririmbira abantu babarirwa ku ntoki   

  Yanditswe na NDAMYIROKOYE FRANCOIS
 September 2016

 
 

Umuhanzi 2 Face wo muri Nigeria wari witezweho gukora igitaramo cy’akataraboneka i Kigali mu ijoro ryo ku ya 23 Nzeri 2016, yabanje kwanga kuririmba abyemera bigoranye kubera ubwitabire buke.

Icyo gitaramo cyari cyateguwe na Umurerwa Belinda, mu ma saha ya saa kumi n’ebyiri z’umugoroba wabonaga nta n’inyoni itamba.

Amasaha yakomeje kwicuma abantu bakomeza kuba bacye Mc Tino wari umuhereza w’amagambo ajya ku rubyiniro we n’umusore wavangaga umuziki (DJ) batangira gushyusha abantu.

Icyo gihe 2Face n’umujyanama we mbere y’uko yemera kuririmbira wabonaga bashobewe .

JPEG - 177 kb
Umujyanama wa 2Face byari byamushobeye

Umurerwa Belinda wateguye igitaramo wabonaga yacitse intege ariko akagerageza kwishyiramo akagufu n’ ubwo yabonaga ko igitaramo cye cyari cyamaze guhomba.

Tom Close na Urban Boyz bikuye mu gitaramo basimbujwe, Jack B na Gabiro Guitar aba ari bo baririmba.

Nyuma yo kuva ku rubyiniro, hategerejwe 2 Face aza ku rubyiniro saa tanu z’ijoro n’iminota 20 ariko byavuzwe ko yari yanze kuririmba Umurerwa wari wateguye igitaramo akamuhendahenda.

Umuhanzi 2 Face usigaye wiyita 2 Baba, yinjira aho igitaramo cyabereye yagerageje kugenda asuhuza abantu bose bari bari aho igitaramo cyabereye kugira ngo yerekane ko atababajwe n’uko yabuze abitabira igitaramo cye.

Hashize akanya gato , 2 Face yashafe ijambo. Ati « N’ubwo muri bake , muri bake beza kandi ndabishimiye »

Agerageza gushimisha abantu, 2 Face yaririmbye indirimbo yitwa “True love”, “If love is a crime”, “Blind”, “ “African Queen” n’izindi.

Uguhomba ku igitaramo cya 2 Face byavuzwe ko kwaturutse ku mitegurirwe mibi yacyo yatumye kitaranabashije kwamamazwa bihagije.

Ni mu gihe Wizkid ubwo ahaheruka igitaramo cye kitabiriwe n’abantu benshi. Undi muhanzi na we waje igitaramo cye kigahomba ni Kiss Daniel wari watumiwe n’umukobwa witwa Denise Gakire ukina filimi.

 

Comments

 
 
Uwayezu Jean Thierry afite inzozi zo kwagura muzika nyarwanda
Uwayezu Jean Thierry afite inzozi zo kwagura muzika nyarwanda

Umuhanzi w’umunyarwanda Uwayezu Jean Thierry, aravuga ko afite inzozi zo kwagura umuziki nyarwanda ukagera ku rwego mpuzamahanga, akaba ari yo mpamvu yagiye gukarishya ubwenge mu bijyanye na (...)

Abahanzi Nyarwanda bishimiye Diamond Platnumz ugiye kubafasha gucuruza umuziki
Abahanzi Nyarwanda bishimiye Diamond Platnumz ugiye kubafasha gucuruza umuziki

Bamwe mu bahanzi Nyarwanda bishimiye igitekerezo cy’umuhanzi Diamond Platnumz ugiye gutangiza mu Rwanda ibikorwa bijyanye no kubafasha gucuruza umuziki wabo. Bamwe mu baganiriye na Imvaho Nshya, (...)

Ras Bambo, umuhanzi uvuga ko azanye impinduka muri Reggae nyarwanda
Ras Bambo, umuhanzi uvuga ko azanye impinduka muri Reggae nyarwanda

Ras Bambo ni umurasita wifuza impinduramatwara muri muzika nyarwanda cyane cyane mu njyana ya Reggae ndetse ngo umunsi umwe yiteze ko abahanzi nyafurika n’abayikomokamo bakora iyi njyana bazunga (...)

Miss Rwanda 2017:  Queen Kalimpinya ari kuza imbere mu matora
Miss Rwanda 2017: Queen Kalimpinya ari kuza imbere mu matora

Abakobwa 15 barimo guhatanira ikamba rya Miss Rwanda 2017 ubu bari mu mwiherero i Nyamata muri Golden Tulip ari nako barushanwa amanota binyuze ku kubatora hifashishijwe ubutumwa bwoherezwa (...)

Umutoni yiyemeje kuzita ku bidukikije aramutse abaye Miss Rwanda 2017
Umutoni yiyemeje kuzita ku bidukikije aramutse abaye Miss Rwanda 2017

Umutoni Pamela, umwe mu bakobwa 15 barimo guhatanira ikamba rya Nyampinga w’u Rwanda 2017 avuga ko niyegukana ikamba rya nyampinga w’uyu mwaka azashishikariza abantu kurushaho kubungabunga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.