2017-05-29 05:31:49 clouds 27o High | Kigali Rwanda

Dukurikire:
 
 

Abadiventisiti bungutse umuhanzi mushya ushaka guhumuriza abihebye

Yanditswe na IMVAHO NSHYA

Kuya 2016-09-27 12:55:52

 
Share on:
 
Yasuwe:61
 
Yavuzweho:200
 
10
 
10

Umuhanzi Ndindiriyimana ‘N Ferdinand’, usengera mu itorero ry’abadiventisiti b’umunsi wa karindwi, aratangaza ko azanye ubutumwa bw’ihumure ku babaye abibutsa ko Imana iri kumwe nabo mu bibazo bibugarije.

Uyu musore mu ndirimbo ye nshya yise Wabanye Nanjye avuga ko Imana ivana kure abantu ariko bo akenshi bakibagirwa kuyisingiza bayishimira.

JPEG - 46.8 kb
N Ferdinand ngo ntazahwema kubwira abari mu bibazo ko bifite iherezo

Ahamya ko ku Isi bigoye kubona umuntu Imana itagize icyo ikorera na kimwe ku buryo yabura icyo ayishimira.

Ati”Mu buzima tubayeho hano ku Isi, Imana iratwigaragariza buri munsi, ikatwereka ko dufite agaciro nubwo ntako dukwiye mu maso yayo.”

Yongeraho ko abatuye Isi bakwiye gushima Imana haba mu bibi no mu byiza kuko buri wese ifite icyo yamuteguriye imukunze.

Ati”Hari n’igihe ishobora kukunyuza no kintu kibi kugira ngo ikunde ibone uko ikugeza ku cyiza, sino mu Isi ibyiza biboneka gusa, dukwiye no kwibuka ko hari ijuru. Aho duteganyirijwe ubuzima buhoraho bw’iteka ryose.”

N Ferdinand avuga ko ari gutegura indi ndirimbo yitwa “Nziko” izaba ivuga ko azi neza ko ubuzima bwose abamo Imana ibuzi akaba ntacyo ashobora kuyihisha.

Afite kandi gahunda yo gusakaza umuziki we no hanze y’u Rwanda kugira ngo n’abaho abagezeho ubutumwa bwiza.

Kanda hano wumve indirimbo Wabanye Nanjye ya N Ferdinand

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE