19°C , Partly sunny | Kigali-Rwanda
Harushanyijwe amatsinda atandukanye

Impinduka nto mu irushanwa ryo kubyina

Yanditswe na NDAMYIROKOYE FRANÇOIS

Ku ya 11-02-2018 saa 10:41:22

Niyomwungeri Aaron ushinzwe imenyekanishabikorwa mu irushanwa ryo kubyina “ National Street Dance” yatangaje ko ubwo hazaba hasozwa  iryo  rushanwa hazahatana amatsinda 8 mu gihe mbere hateganywaga 6.

Harushanyijwe amatsinda atandukanye

Mu minsi yatambutse yari yavuze ko bari bafite igitekerezo cyo gufata amatsinda ane yatsinze mu ntara zose n’ebyiri mu Mujyi wa Kigali ngo ariko byabaye ngombwa ko muri Kigali bafata 4 kubera ukuntu ubwitabire bw’amatsinda bwabaye bwinshi.

Yagize ati: “ Ubwo amatsinda yahatanaga i Kigali hitabiriye 40,  twiyemeza gufata 4 yiyongera kuri 4 yari yatsinze mu Mujyi wa Kigali”.

Amatsinda yatsindiye mu Mujyi wa Kigali ni iryitwa  KTY Crue na The Finest yatsindiye mu irushanwa ryabereye mu nzu y’urubyiruko ku Kimisagara. Snippers  na Monsters yatsindiye ahazwi nko kuri Rafiki i Nyamirambo.

Ku ya 3 Gashyantare 2018 ni bwo aya marushanwa yabaye mu Mujyi wa Kigali.

Gusoza irushanwa bizaba ku ya 17 Gashyantare 2017 mu Karere ka Rubavu mu mugi w’ako karere. Itsinda rizaba irya mbere rizahembwa miliyoni 1 y’amafaranga y’u Rwanda.

Vast Pro ni yo itegura iri rushanwa  ifatanyije na AHF Rwanda igamije kurwanya SIDA. Muri ayo marushanwa hatangirwamo ubutumwa bwo kwirinda SIDA.

TANGA IGITEKEREZO

Leave a Reply

Be the First to Comment!

avatar