Impano idasanzwe y’umuhanzi wamaze imyaka 6 abitse indirimbo yanditse

Yanditswe na Gisubizo Gentil M.

Ku ya 12-02-2020 saa 10:06:32
Innocent Frank Niyo yatangiye aririmba muri korali, afite inzozi zo kugeza ubuhanzi bwe ku rwego mpuzamahanga

Innocent Frank Niyonzima uzwi ku izina ry’ubuhanzi nka Innocent Frank Niyo, arashimira Imana yamufashije agatangira kuririmba indirimbo yamaze igihe kinini yandika azibika, ubutumwa buzikubiyemo bukaba bukomeje kuruhura imitima ya benshi.

Uyu musore w’umunyempano w’imyaka 25 y’amavuko, ni umuhanzi uririmba indirimbo zo kuramya no guhimbaza, akomoka mu Karere ka Rubavu.

Yabyirutse akunda kuririmba mu makorari atandukanye ari na ho yatangiye kuvumbura impano yifitemo yo kwandika no guhimba indirimbo.

Yafatanyaga na bagenzi be bagahanga indirimbo baririmba muri Korari, akumva arabikunze kugeza ubwo yiyumvisemo ko afite impano yo guhimba, kuririmba no gucuranga indirimbo ze bwite.

Mu kiganiro n’Imvaho Nshya, Inocent Frank Niyo yatangaje uburyo mu mwaka wa 2012 yatangiye guhimba indirimbo azibika kuko yari akiri mu mashuri yisumbuye aho byari bigoye kubona ubushobozi bwo guhita aziririmba.

Yagize ati: “Burya buri kintu kigira igihe cyacyo, nandikaga indirimbo ngenda nzibika ariko nizeye ko hari igihe kizagera nkaziririmba.”

Mu mwaka wa 2018 ubwo yari amaze umwaka muri Kaminuza y’u Rwanda, yari amaze kugira indirimbo 8 yiyandikiye ariko zibitse. Yatunguwe n’uko muri uwo mwaka indirimbo ya mbere ikigera hanze yakoze ku mitima y’abantu benshi aho asengera ndetse no ku bayikurikiranye ku mbuga nkoranyambaga.

Innocent Frank Niyo yemeza ko Imana ishaka kumukoresha agakwiza inkuru nziza ya Yesu Kristo ku Isi binyuze mu buhanzi.  Kuri ubu asengera mu itorero “Siloam Evangelical Church of Rwanda” aho ubuhanzi bwe bukubiyemo n’umuhamagaro.

Kuri ubu amaze gusohora indirimbo eshatu mu majwi ari zo “Uko Mwema” (imaze gukorerwa n’amashusho), Sinzanyeganyezwa (irimo gukorerwa remix), n’Intwari z’Imana yasohotse mu mpera z’icyumweru gishize.

Innocent Frank Niyo yatangiye aririmba muri korali

Ubuhanzi n’amashuri

Innocent Frank Niyo yiga mu mwaka wa 3 w’Ishami ry’Ubuforomo (General Nursing) muri Kaminuza y’u Rwanda Koleji ya Huye. Avuga ko iteka yagiye yigengesera ngo ubuhanzi butabangamira amasomo ye.

Avuga ko nk’umuhanzi ubikora abikunze bitazigera mubangamira imyigire n’izindi gahunda z’ubuzima bwa buri munsi, cyane ko bisaba bugigenera umwanya.

Simon Kabera ni umwe mu bahanzi mu Rwanda yigiraho byinshi kandi bamuremamo ikizere cyo kudacika intege mu rugendo yiyemeje.

Ku rwego Mpuzamahanga barimo Chris Tomlin (Christopher Dwayne Tomlin) wo muri Leta Zunze Ubumwe z’Amerika na Sinach (Osinachi Josep) wo muri Nigeria bamuremamo ikizere cyo kugeza ubuhanzi bwe ku rwego mpuzamahanga, ubutumwa atanga mu ndirimbo bugakwira ku Isi yose.

Innocent Frank Niyo afite n’impano yo gucuranga guitar

Umwanditsi:

Gisubizo Gentil M.

9 Comments on “Impano idasanzwe y’umuhanzi wamaze imyaka 6 abitse indirimbo yanditse”

  1. Rwose Innocent Frank Niyo ndi umufana we, nkunda ibihangano bye cyane. Bifite ubutumwa bwiza.
    Imana imukomeze kandi ihe umugisha ibihangano bye….. Murakoze

  2. Frank Niyo Imana ikomeze kumushyigikira kandi turamukunda cyanee kuko indirimbo ze zikiza imitima ya benshi.

  3. Jyewe uyu musore muto icyo namubwira nugushiramo courage ndetse agasenga cyane , impano yo arayifite sugushakisha Imana ikujyimbere kandi songs turazikunda man

  4. As my classmate,mwigiraho byinshi kdi byiza, indirimbo ze zijya zimfasha cyane kdi Imana imukomereze impano akomeze afashe imitima ya benshi haba mu Urwanda ndetse nohanze yarwo b barusheho kumenya inkuru ya Yesu.songa mbere Innocent 👍

    1. Komera komera muhungu wanjye ishaka ugirira uyu murimo Imana izabiguhembera wakuze wubaha Imana kd nayo izakubahisha

  5. We give a lot of courage don’t give up and when almighty lord is with you every thing will be OK. Stand strong and proclaim the glory of God he will enlarge your boarders.

  6. Innocent Uwiteka akomeze kukwagurira impano kuk yavuze ngo nimwitangira kunkorera nzabaha icyubahir,igikundiro,nubutunzi etc kd turagushyigikiye.

Tanga Igitekerezo

Email yanyu ntigaragazwa ku rubuga. Amazina na Email ni ngombwa.