20°C , Partly sunny | Kigali-Rwanda
Miss Rwanda 2017 Iradukunda Elsa

Impamvu Miss Iradukunda yitabira amajonjora y’abakobwa muri Miss Rwanda 2018

Yanditswe na NDAMYIROKOYE FRANÇOIS

Ku ya 25-01-2018 saa 07:24:26

Kuva ku ya 13 Mutarama 2018  irushanwa rya Miss Rwanda 2018 ryatangira Miss  Rwanda 2017 Iradukunda Elsa agaragara ahantu hose habera amajonjora y’abakobwa bahatanira ikamba ry’uyu mwaka, Ishimwe Dieudonné  uzwi nka Prince Kid, umujyanama we avuga ko ari mu rwego rwo kugira ngo ahe inama abahatana.

Miss Rwanda 2017 Iradukunda Elsa

Mu kiganiro Imvaho Nshya yagiranye  na Ishimwe yavuze ko  iyo Miss Iradukunda agiye ahabera amajonjora y’abahatana biha ingufu abarimo guhatana ngo kandi anabaha impanuro dore ko uzegukana ikamba ari we uzarimwambika.

Yagize ati Ajyayo kugira ngo abahe inama  z’ukuntu bagomba kwitwara mu irushanwa kuko biba bikwiye”

Ubwo amajonjora y’abahatana muri iri rushanwa  yatangiriraga  uyu mwaka mu karere ka Musanze ku munsi wakurikiye agakomereza  i Rubavu, Miss Iradukunda hombi yari ahari.

Ku ya 20 Mutarama 2018 yitabiriye amajonjora y’iri rushanwa yabereye mu Ntara y’Amajyepfo mu karere ka Huye no ku ya 21 Mutarama 2018 yitabira ayabereye mu Ntara y’Iburasirazuba mu karere ka Kayonza.

Mu myaka yatambutse uwabaga yaregukanye ikamba wasangaga ajya ahantu hamwe habereye amajonjora.

Mu rwego rwo gusoza amajonjora y’abahatana muri irushanwa rya Miss Rwanda 2018, ku ya 27 Mutarama 2018 amajonjora azabera mu Mujyi wa Kigali.

Ku ya 10 Gashyantare ni bwo hazatoranywa abakobwa 20 bazerekeza mu mwiherero ku ya 24 Gashyantare 2018 abe ari bwo hazamenyeka uzegukana ikamba mu gikorwa kizabera i Kigali muri Kigali Convention Centre.

TANGA IGITEKEREZO

Leave a Reply

Be the First to Comment!

avatar