2017-05-29 16:23:30 clouds 27o High | Kigali Rwanda

Dukurikire:
 
 

Kigali: Abanyeshuri bafashijwe kuruhuka bongera ubumenyi mu ikoranabuhanga

Yanditswe na Claude Ntawitonda

Kuya 2016-12-06 15:12:58

 
Share on:
 
Yasuwe:214
 
Yavuzweho:200
 
10
 
10

Ikigo Africa Smart Investment-Distribution (ASI-D) cyamaze ibyumweru bibiri gifasha abanyeshuri bo mu mashuri abanza n’ayisumbuye bari mu biruhuko mu mujyi wa Kigali kwihugura mu gukoresha ikoranabuhanga rishingiye kuri Mudasobwa.

Aba banyeshuri bo mu mashuri abanza hamwe n’abo mu mashuri yisumbuye bo mu mujyi wa Kigali bahurijwe mu mahugurwa y’ibyumweru bibiri kuva tariki ya 21 Ugushyingo kugeza tariki ya 2 ukuboza 2016.

JPEG - 668.9 kb
Nyuma y’amahugurwa abana bahawe impamyabushobozi

Muri ayamahugurwa,yaberaga ku kigo cy’ishuri Kigali Parents School, abanyeshuri bahabwaga ubumenyi ku amasomo arimo Scratch, Web Design, programming (gukora imbuga za murandasi), gukora applications za telefoni), uburyo bwo kwandika wihuse kandi neza kuri mudasobwa) n’ ubundi bumenyi bw’ingenzi bujyanye n’uko bakwiye kwitwara muri sosiyete.

Abanyeshuri bitabiriye aya mahugurwa kandi bigishijwe uburyo bakwiye kwitoza gukorera mu matsinda mu rwego rwo kugera ku umusaruro buri wese yagizemo uruhare.

Karimpinya Queen w’imyaka 18 umunyeshuri wiga muri Lycee de Kigali mu ishami ry’imibare, ubukungu n’ubumenyi bwisi MEG yagize ati “Sinize amasomo y’ikoranabuhanga mu ishuri ariko maze gukora porugaramu za mudasobwa, zizamfasha kwihangira imirmo ndangije kwiga…Mbere ntabwo nari nzi ko umuntu ungana nanjye cyangwa ari munsi yanjye yabasha gukora porugaramu za mudasobwa, ariko ubu narabimenye menya n’uko bakora urubuga rwa interineti.”

JPEG - 450.1 kb
Karimpinya Queen w’imyaka 18 umunyeshuri wiga muri Lycée de Kigali mu ishami ry’imibare, ubukungu n’ubumenyi bw’isi

Manzi Mucyo Philemon w’imyaka16, ugiye mu mwaka wa gatatu w’amashuri yisumbuyeyongeyeho ati “Ibyo twatekerezaga kuri mudasobwa twasanze atari byo byonyine ikora, abana benshi bazi ko computer ari iyo ukureberaho filimi gusa, njye nasanze nshobora kwicara ngakora ibintu byinshi barimo n’imishinga.”

Mugisha Aubin Mark, w’imyaka 17 wigaga mu mwaka wa gatandatu w’ayisumbuye kuri G.S Remera Rukoma, na we avuga ko agiye gutekereza uko yakwihangira applications zijya muri mudasobwa.

Umukozi ushinzwe gukurikina gahunda z’uburezi n’amahugurwa muri ASI-D, Rukundo Jean Claude, avuga ko abanyeshuri babikunze cyane, kuburyo amasaha yo gutaha hari ababaga bagishaka kuguma ku ishuri.

Rukundo akomeza avuga ko abanyeshuri bo mu mashuri abanza bitabiriye aya mahugurwa bakunze amasomo ajyanye no gukora inkuru ishushanyije, simple game, kwandika amagambo amwe n’amwe bafunze amaso.

JPEG - 406.4 kb
Abana babona ikoranabuhanga nk’ishingiro ry’ubumenyi buyobora ahazaza habo

Abo mu mashuri yisumbuye, bishimiye kunguka ubumenyi bibwiraga ko bugenewe abantu baminuje mu ikoranabuhanga nabo bashobora kubyikorera, nko gukora applications za telefoni, kubaka imbuga n’ibindi.

Stella Murungi, Umuyobozi ushinzwe gukurikirana no guteza imbere ibikorwa muri ASI-D, yemeza ko biyemeje guteza imbere ikoranabuhanga muri Afurika.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE