Advertisement
 
 
 
 
 
 
 
 

Ikoranabuhanga

ITU yahembye Abanyarwanda bifashishije ikoranabuhanga mu kunganira uburezi   

  Yanditswe na IMVAHO NSHYA
 3 months ago

 
 

Ikigo Mpuzamahanga cy’Ikoranabuhanga mu Itumanaho (ITU) ryahembye Ikigo cy’iikoranabuhanga Academic Bridge ku mushinga wacyo wabaye icyitegererezo mu guhindura uburezi mu Rwanda.

Iki kigo cyatangijwe n’abanyarwanda mu rwego rwo gufasha ibigo by’amashuri gukusanya no kubika amakuru ajyane n’abanyeshuri n’imirimo arebana n’ishuri cyane nko mu gutunganya indangamanota, impushya zakwa n’abanyeshuri, ikinyabupfura ndetse n’ibijyanye n’amakuru arebana n’amafaranga umunyeshuri yishyura.

Aya makuru yose uyabona mu butumwa bugufi bwa telefoni cyangwa mu butumwa bwo kuri internet. Tariki 18 Ugushyingo ni bwo Academic Bridge yahembwe, ikaba yari imaze igihe yegukanye n’ikindi gihembo mpuzamahanga uyu mwaka i Bangkok muri Thailand.

JPEG - 136.4 kb
Umuyobozi wa Academic Bridge Muganga Mariam ari kumwe n’Umunyamabanga Mukuru wa ITU, Houlin Zhao

Igihembo bagishyikirijwe n’Umunyamabanga Nshingwabikorwa wa ITU, Houlin Zhao wahamije ko kizabafasha kwagura ibikorwa by’ikoranabuhanga kimwe n’indi miryango y’abaturutse ahatandukanye

Umuyobozi wa Academic Bridge Mariam Muganga, yashimiye ITU yabonye umuhate n’ubushobozi bafite, ahamya ko bagiye gukomeza kwagura ibi bikorwa bigafasha ibigo byinshi mu Rwanda.

Mariam yagize ati “Iki gihembo twabonye kirerekana ubushobozi dufite n’ikizere abantu bakwiye kutugirira, tuzakomeza kugera kubigo byinshi bishoboka kugeza igihe bamenyeye ko ari twe dushoboye ibyo bakeneye mu guhindura imikorere twifashishije ikoranabuhanga.”

Uyu mushinga waturutse he?

Ikuzwe Christian Umuyobozi ushinze ikorabuhanga akaba ari na we wazanye iki gitekerezo akanagishyira mu bikorwa yahamije ko cyaturutse ku bibazo yabonaga mu burezi yifuzaga ko byabonerwa umuti.

Yagize ati “Ku ishuri ryisumbuye aho nigaga bagiraga ibibazo by’indangamanota ugasanga ibizamini birarangira abana bakazataha nyuma y’icyumweru kubera ko abarimu bibatwara umwanya munini mu gutegura indangamanota zabo ndetse ugasanga rimwe na rimwe harimo n’amakosa.”

Ubwo yari arangije umwaka wambere wa kaminuza ageze igihe cyo kwimenyereza umwuga atangira gushaka uburyo yashyira mu bikorwa igitekerezo cyakemura ikibazo yahoze abona akiri mu mashuri yisumbuye, ariko atangira atazi ikoranabuhanga azakoresha.

Mu gihe cy’ibiruhuko arangije umwaka wa kabiri yabonye ikigo cy’ishuri ageregerezaho umushinga we bikomeza ari na bwo mu mwaka wa 2015 yaje kubona ibindi bigo bimwemerera gukorana.

Mu mpera z’umwaka wa 2015 nibwo uyu mushinga watangiye gukora nk’ubucuruzi. Kuri ubu bamaze gukorana n’ibigo 13 naho ibindi 20 byamaze gusinya amazezerano yo gukorana umwaka utaha wa 2017.

Hari n’ibindi bigo byagaragaje ko byanyuzwe n’imikorere y’aka gashya bikaba byiteguye gusinyaamasezerano isaka ku isaha.

Umwaka w’amashuri wa 2015/2016 warangiye umushinga ugirira akamaro abanyeshuri barenga 9080 hakaba harohereje ubutumwa 261 579 naho amanota yashyizwemo n’abarimu akaba agera ku 500 000.

Bimwe mu bigo bimaze kuryoherwa n’iri koranabuhanga birimo Lycee de Kigali, Ecole Internationale de Kigali, Riviera High School, Gashora Girls Academy,Gahogo Adventist Academy, Sonrise School, Good Harvest Primary School, CMS APADEM, Muhabura Integrated Polytechnic College, Keystone School, Wisdom School, Kagarama Secondary School.

Ibi bigo bigaragaza ko ikoranabuhanga nk’iri ryakemuye byinshi mu byabangamiraga abarimu n’ubuyobozi bw’ibigo.

 

Comments

 
 
Atlas Mara na Visa bigiye gukwiza serivisi z’ikoranabuhanga muri Afurika
Atlas Mara na Visa bigiye gukwiza serivisi z’ikoranabuhanga muri Afurika

Ikigo mpuzamahanga gitanga ikoranabuhanga ryo kwishyurana (Visa), cyiyemeje gufatanya n’Ikigo Atlas Mara Limited gitanga serivi z’imari muri Afurika yo munsi y’Ubutayu bwa Saharamu gusakaza uburyo (...)

Kigali: Abanyeshuri bafashijwe kuruhuka bongera ubumenyi mu ikoranabuhanga
Kigali: Abanyeshuri bafashijwe kuruhuka bongera ubumenyi mu ikoranabuhanga

Ikigo Africa Smart Investment-Distribution (ASI-D) cyamaze ibyumweru bibiri gifasha abanyeshuri bo mu mashuri abanza n’ayisumbuye bari mu biruhuko mu mujyi wa Kigali kwihugura mu gukoresha (...)

ITU yahembye Abanyarwanda bifashishije ikoranabuhanga mu kunganira uburezi
ITU yahembye Abanyarwanda bifashishije ikoranabuhanga mu kunganira uburezi

Ikigo Mpuzamahanga cy’Ikoranabuhanga mu Itumanaho (ITU) ryahembye Ikigo cy’iikoranabuhanga Academic Bridge ku mushinga wacyo wabaye icyitegererezo mu guhindura uburezi mu Rwanda. Iki kigo (...)

Ngoma: Internet inyaruka Perezida Kagame yabemereye irabageraho mu Kuboza
Ngoma: Internet inyaruka Perezida Kagame yabemereye irabageraho mu Kuboza

Minisitiri w’Urubyiruko n’Ikoranabuhanga mu Isakazabumenyi Nsengimana Jean Philbert, yijeje abaturage bo mu murenge wa Zaza, Akarere ka Ngoma ko bitarenze ukwezi k’Ukuboza 2016 bazaba bamaze (...)

Ikigo cyahize guha 98% by’urubyiruko nyarwanda mudasobwa bitarenze mu 2020’
Ikigo cyahize guha 98% by’urubyiruko nyarwanda mudasobwa bitarenze mu 2020’

Ikigo gishinzwe gukwirakwiza mudasobwa zikorerwa mu Rwanda (Africa Smart Investment Distribution) cyatangaje ko cyiyemeje gutanga umusanzu wacyo mu gufasha u Rwanda kuba igicumbi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.