Advertisement
 
 
 
 
 
 
 
 

Ikoranabuhanga

Ikigo cyahize guha 98% by’urubyiruko nyarwanda mudasobwa bitarenze mu 2020’   

  Yanditswe na TWAGIRA WILSON
 3 months ago

 
 

Ikigo gishinzwe gukwirakwiza mudasobwa zikorerwa mu Rwanda (Africa Smart Investment Distribution) cyatangaje ko cyiyemeje gutanga umusanzu wacyo mu gufasha u Rwanda kuba igicumbi cy’ikoranabuhanga giha urubyiruko mudasobwa, vision 2020 ntibe ikiri inzozi.

Umuyobozi w’iki kigo Karenzi Francois yavuze ko mu cyerekezo 2020, 98% by’Abanyarwanda byibura biganjemo urubyiruko bazaba batunze mudasobwa.

Kuri uyu wa kane tariki 10 Ugushyingo 2016 ni bwo Karenzi yemeje aya makuru ubwo abayobozi bab’iki kigo bari bamaze gushyira umukono ku masezerano y’ubufatanye n’ikigo gishinzwe gufasha urubyiruko guhanga no kwitegura kwinjira mu kazi bwa mbere (Akazi kanoze Access).

Ayo masezerano agamije imikoranire hagati y’ibigo byombi, mu rwego rwo kwihutisha gahunda yo guha Abanyarwanda, by’umwihariko ubumenyi no kwihangira ubumenyi binyujijwe mu muyoboro w’ikoranabuhanga.

Karenzi yabwiye itangazamakuru ko uwo mushinga wihaye intego yo korohereza Abanyarwanda kugera ku cyerekezo 2020, ati “Kugeza ubu gutunga mudasobwa kuri buri wese, ntibikiri indoto, ku buryo abanyeshuri, n’abarezi mu bigo bagiye kuzihabwa ku giciro gito, kandi bakoroherezwa kwishyura."

Sezikeye Jacques uyobora umushinga Akazi Kanoze yabwiye itangazamakuru ko mu by’ibanze bagiye kwitaho bishingiye kuri ayo masezerano yasinywe harimo gufasha urubyiruko guhabwa ubumenyi binyuze mu mahugurwa, mu kwihangira no kunoza imirimo bakora.

Akomeza agira ati “Mu bo tugiye gufasha ni urubyiruko rwiga mu bigo by’amashuri 102, akorera mu turere 11, hibandwa cyane ku banyeshuri bo mu mashuri yisumbuye batozwa kwihangira imirimo no kwigira, aya masezerano kandi akazafasha gukurikirana urubyiruko ruhugurwa, kugeza imishinga yarwo igiye mu bikorwa.”

Kugeza ubu umushinga akazi kanoze ukorera mu bihugu 17 by’Afurika harimo n’u Rwanda, barateganya kwaguka bikiyongera hagamijwe guteza imbere umubare munini w’urubyiruko rw’Afurika kwivana mu bwigunge.

 

Comments

 
 
Atlas Mara na Visa bigiye gukwiza serivisi z’ikoranabuhanga muri Afurika
Atlas Mara na Visa bigiye gukwiza serivisi z’ikoranabuhanga muri Afurika

Ikigo mpuzamahanga gitanga ikoranabuhanga ryo kwishyurana (Visa), cyiyemeje gufatanya n’Ikigo Atlas Mara Limited gitanga serivi z’imari muri Afurika yo munsi y’Ubutayu bwa Saharamu gusakaza uburyo (...)

Kigali: Abanyeshuri bafashijwe kuruhuka bongera ubumenyi mu ikoranabuhanga
Kigali: Abanyeshuri bafashijwe kuruhuka bongera ubumenyi mu ikoranabuhanga

Ikigo Africa Smart Investment-Distribution (ASI-D) cyamaze ibyumweru bibiri gifasha abanyeshuri bo mu mashuri abanza n’ayisumbuye bari mu biruhuko mu mujyi wa Kigali kwihugura mu gukoresha (...)

ITU yahembye Abanyarwanda bifashishije ikoranabuhanga mu kunganira uburezi
ITU yahembye Abanyarwanda bifashishije ikoranabuhanga mu kunganira uburezi

Ikigo Mpuzamahanga cy’Ikoranabuhanga mu Itumanaho (ITU) ryahembye Ikigo cy’iikoranabuhanga Academic Bridge ku mushinga wacyo wabaye icyitegererezo mu guhindura uburezi mu Rwanda. Iki kigo (...)

Ngoma: Internet inyaruka Perezida Kagame yabemereye irabageraho mu Kuboza
Ngoma: Internet inyaruka Perezida Kagame yabemereye irabageraho mu Kuboza

Minisitiri w’Urubyiruko n’Ikoranabuhanga mu Isakazabumenyi Nsengimana Jean Philbert, yijeje abaturage bo mu murenge wa Zaza, Akarere ka Ngoma ko bitarenze ukwezi k’Ukuboza 2016 bazaba bamaze (...)

Ikigo cyahize guha 98% by’urubyiruko nyarwanda mudasobwa bitarenze mu 2020’
Ikigo cyahize guha 98% by’urubyiruko nyarwanda mudasobwa bitarenze mu 2020’

Ikigo gishinzwe gukwirakwiza mudasobwa zikorerwa mu Rwanda (Africa Smart Investment Distribution) cyatangaje ko cyiyemeje gutanga umusanzu wacyo mu gufasha u Rwanda kuba igicumbi (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.