2017-05-29 16:23:30 clouds 27o High | Kigali Rwanda

Dukurikire:
 
 

Abahinzi b’icyayi mu Rwanda batangiye guhemberwa kuri telefoni

Yanditswe na Claude Ntawitonda

Kuya 2016-07-12 17:14:19

 
Share on:
 
Yasuwe:38
 
Yavuzweho:200
 
10
 
10

Mu gihe abahinzi b’icyayi binubiraga umubyigano ukabije mu kwishyurirwa muri banki, sosiyete y’itumanaho ya Tigo yabashyiriyeho uburyo bushya bubafasha kwishyurwa binyuze kuri telefoni.

Mu muhango wo gushyira ahagaragara umushinga wo korohereza abahinzi kwishyurwa hifashishijwe ikoranabuhanga, umuyobozi wa Tigo Philip Fofie Amoateng, yavuze ko iri koranabuhanga ryahyiriweho korohereza aba bahinzi basiragiraga kuri Sacco bategereje kwishyurwa.

Abafatanyabikorwa ba Tigo Minisitiri Philibert na CEO wa Tigo

Yagize ati “Ubu ni uburyo bworoshye bwashyiriweho abahinzi b’icyayi mu kugabanya urujya n’uruza rw’abaturage wasangaga buzuye kuri banki; ni igikorwa twangiye mu 2015 tukaba tumaze kugishyira ahagaragara nonaha.”

Yakomeje avuga ko bahisemo guhera ku buhinzi kuko abenshi mu banyarwanda usanga ari bwo bubatunze; ubu batangiranye n’abahinzi b’icyayi ariko barateganya gukorana n’abandi bahinzi banyuranye.

Yakomeje avuga ko bahisemo kandi gutagira gukorana Sacco ku ko arizo ahanini zegereye abaturage.

Minisitiri w’Urubyiruko ikoranabuhanga mu isakazabumenyi Jean Philbert Nsengimana, yashimiye bikomeye uyu mushinga, ashimangira ko ari kimwe mu bigaragaza ingufu zashyizwe mu gukoresha ikoranabuhanga mumitangire ya serivisi zitandukanye cyane ko ari kimwe mu byihutisha iterambere ry’igihugu.

Nizeyimana Alphonsine umuturage ukoresha ubu buryo yashimagije Tigo n’abafatanyabikorwa bayo, avuga ko bamuvunnye amaguru ngo yirirwaga nzira asiragizwa hakaba n’ubwo ageze kuri banki agasanga amafaranga atarahagera cyangwa akahasanga umurongo n’umubyigano ukabije

Yagize ati “Ikoranabuhanga ryigiye gukoreshwa mu gufasha abahinzi b’icyayi rizaca zimwe mu mbogamizi baguraga nazo nk’uko umwe mu baturage yabitanzeho ubuhamya, ni byiza ko n’abandi bahinzi bakwitabira iyi serivisi kuko ije nk’igisubizo.”

Minisitiri Philibert yanavuze ko iyi gahunda igiye gukuraho kugendana amafaranga nk’ibiceri n’inoti mu mifuka bikazaba ari umutekano wo kurinda amafaranga yabo binaca umuvundo n’akavuyo wasanga kuri banki.

Iyi gahunda ibonwamo umusaruro mu gihe abagera kuri miliyoni 8.5 batunze telefoni ngendanwa, miliyoni 7 bakazikoresha muri serivisi zijyanye no kwishyura no kugura bakoresheje telefoni, naho abagera kuri miliyoni 4 bakoresha interineti.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE