19°C , Partly cloudy | Kigali-Rwanda
Gasana Kenneth, umukinnyi w'ikipe y'u Rwanda (ufite umupira), wayitsindiye amanota menshi (16)

Ikipe y’u Rwanda yatangiranye insinzi mu gushaka itike y’igikombe k’isi

Yanditswe na NKOMEJE GUILLAUME

Ku ya 24-02-2018 saa 08:44:39

Imikino yabaye

Rwanda 74- 70 Mali

Uganda 86-102 Nigeria

Uyu munsi

Rwanda-Nigeria (17h30)

Ikipe y’u Rwanda nkuru y’umukino wa Basketball mu bagabo, yatangiye yitwara neza mu mukino ubanza w’imikino y’amajonjora yo gushaka itike y’igikombe k’isi “FIBA Basketball World Cup 2019  ”, izabera mu Bushinwa muri Nzeri 2019.

Gasana Kenneth, umukinnyi w’ikipe y’u Rwanda (ufite umupira), wayitsindiye amanota menshi (16)

Mu mukino wabaye ejo hashize ku wa Gatanu tariki 23 Gashyantare 2018,ikipe y’igihugu yatsinze ikipe y’igihugu ya Mali yari mu rugo, ku manota 74 kuri 70.

Muri uyu mukino wo mu itsinda rya kabiri « B », iyi kipe yatangiye neza itsinda agace ka mbere kuri 14-12, banganya agace ka kabiri kuri 18-18, bityo amakipe yombi ajya kuruhuka ikipe y’u Rwanda iri imbere n’amanota 31 kuri 29.

Ikipe y’u Rwanda ntabwo yabashije gutsinda agace ka gatatu kuko yaje kugatakaza ku manota 19-16, gusa yongeye guhindura imikinire ibasha gutsinda agace ka nyuma ku manota 27-22, bituma irangiza itsinze uyu mukino ku kinyuranyo cy’amanota 4 (74-70).

Muri uyu mukino, Drissa Ballo w’ ikipe ya Mali ni we watsinze amanota menshi (18), naho Gasana Kenneth yinjije menshi ku ruhande rw’u Rwanda n’amanota 16.

Iyi kipe y’u Rwanda irongera kugaruka mu kibuga uyu munsi ihura na Nigeria, mu mukino uza kuba saa kumi n’imwe n’igice zo mu Rwanda (17h30). Ikipe ya Nigeria nayo yitwaye neza mu mukino wayo aho yaje kuyanyagira Uganda iyitsinda amanota 102 kuri 86.

 

 

 

 

 

 

 

 

 

 

 

 

 

 

 

 

 

 

 

TANGA IGITEKEREZO

Leave a Reply

Be the First to Comment!

avatar