21°C , Partly sunny | Kigali-Rwanda
Abakinnyi ba Rayon Sports bafashe ifoto y'urwibutso mbere yo kwerekeza muri Tanzania

Ikipe ya Rayon Sports yerekeje muri Tanzania

Yanditswe na BUGINGO FIDELE

Ku ya 15-05-2018 saa 07:20:20

Ejo tariki 16-05-2018

Yanga-Rayon Sports (Dar es Salaam 18h00)

Gor Mahia-USM Alger (Kasarani-18h00)

Ikipe ya Rayon Sports iri i Dar es Salaam aho yagiye gukina na Yanga umukino wa kabiri mu itsinda D mu mikino y’Afurika y’amakipe yitwaya neza iwayo “Total CAF Confederation Cup 2018”.

Abakinnyi ba Rayon Sports bafashe ifoto y’urwibutso mbere yo kwerekeza muri Tanzania

Iyi kipe igizwe n’abakinnyi 18 yageze muri Tanzania mu ijoro ry’ejo hashize tariki 14 Gicurasi 2018. Umukino  wa Yanga na Rayon Sports uzaba ejo tariki 16 Gicurasi 2018  kuri Sitade  y’Igihugu  saa moya (19h00) zo muri Tanzania  akazaba ari saa kumi n’ebyiri  (18h00) mu Rwanda.

Mbere yo kwerekeza muri Tanzania, umutoza wa Rayon Sports Ivan Minnaert yatangaje biteguye neza kandi bajyanye intego yo gutsinda. Yakomeje avuga ko muri iyi minsi bigoye gusesengura uko Yanga ihagaze kuko imaze iminsi ititwara neza  ariko ko batabishingiraho ahubwo bagomba gukina umukino mwiza ugamije gutsinda.

Umutoza wa Yanga, Mwinyi Zahera  atangaza ko nta bwoba Rayon Sports imuteye. Ati “Ni ikipe nziza ifite abakinnyi beza ariko ushobora gutsinda”.

Gusa izi kipe zimaze iminsi zititwara neza kuko mu mikino 5  iheruka zakinnye, Rayon Sports yatsinze umukino umwe inganya 4 na ho  Yanga itsindwa imikino 4 inganya umwe gusa.

Umukino wa Yanga na Rayon Sports uzayoborwa n’abasifuzi bakomoka muri Angola ari bo Hélder Martins de Carvalho afatanyije na  Ivanildo Meireles De O Sanche Lopes na Wilson Valdmiro Ntyamba. Umusifuzi wa kane ni Joao Amado Muanda Goma na ho Komiseri w’umukino ni Abebe Solomon Gibresilassie ukomoka muri Ethiopia.

Abakinnyi 18 Rayon Sports yajyanye muri Tanzania

Aba bakinnyi ni  Ndayishimiye Eric Bakame, Ndayisenga Kassim, Manzi Thierry, Irambona Eric, Mutsinzi  Ange , Mugabo Gabriel, Mugisha Francois, Kwizera  Pierrot, Nyandwi  Saddam, Rutanga Eric, Yassin  Mugume, Manishimwe Djabel, Muhire  Kevin, Bimenyimana Bonfils Caleb, Shaban Hussein  Tchabalala, Mbondi  Christ, Ismaila  Diarra na Mukunzi  Yannick.

 

 

TANGA IGITEKEREZO

Leave a Reply

Be the First to Comment!

avatar