26°C , Partly sunny | Kigali-Rwanda

Igikombe cy’Amahoro: Giticyinyoni yatomboye APR FC muri 1/16

Yanditswe na BIZIMANA ERIC

Ku ya 05-02-2018 saa 08:44:12

Ikipe yo mu kiciro cya kabiri, Giticyinyoni FC  izahura na APR FC mu gihe Rayon Sports izakira ASPOR FC  muri 1/16 k’igikombe cy’amahoro.

Ikipe ya APR FC yegukanye igikombe cy’Amahoro mu 2017 izatangira icy’uyu mwaka ikine na Giticyinyoni FC

Ibi byagaragajwe na tombola y’uko amakipe azahura muri 1/16 k’iki gikombe yabaye ku wa Gatandatu tariki 03 Gashyantare 2018. Iyi tombola yakozwe hagati y’amakipe y’ikiciro cya mbere n’ay’ikiciro cya kabiri yabashije kurenga ijonjora ry’ibanze.

Muri 1/16, kuri uyu wa kabiri tariki 06 Gashyantare 2018 , Gitikicyinyoni FC  izakira APR FC kuri Sitade ya Kigali, Rwamagana City FC   yakire Amagaju i Rwamagana, Gasabo ihure na AS Kigali kuri FERWAFA, Unity yakire Bugesera i Ndera, Kirehe yakire Police i Nyakarambi, Heroes na Musanze bahurire ku Kicukiro naho Esperance yakire Kiyovu.

Tariki 07 Gashyantare 2018, Sorwathe izakira Espoir i Kinihira, ASPOR yakire Rayon Sports kuri Stade ya Kigali, Intare zakire Marines kuri FERWAFA, Pepiniere izakira Gicumbi ku Ruyenzi. Mu yindi mikino iteganyijwe, Hope izakira Mukura kuri Sitade Mukebera i Rutsiro, Vision na AS Muhanga ku Mumena, Etoile de l’Est na Etincelles, Miroplast na Sunrise kwa Mironko na United Stars yakire La Jeunesse mu Kabagali.

Imikino yo kwishyura ya 1/16 izaba  tariki ya 21 na 22 Gashyantare 2018, mu gihe imikino ya 1/8 izaba tariki ya 14 na 15 Werurwe 2018 ari nako tariki  17 n’iya 18 Werurwe  hazaba iyo kwishyura.

Imikino ya 1/4 izaba hagati ya tariki ya 22 na 23 Gicurasi mu gihe iyo kwishyura yo izaba 12 -13 Kamena 2018.

Amakipe azakomeza, azakina imikino ibanza ya 1/2 tariki ya 26 n’iya 27 Kamena, iyo kwishyura ibe tariki ya 30 Kamena  na 1 Nyakanga mbere y’uko umukino wa nyuma ukinwa tariki ya 4 Nyakanga 2018.

Ikipe izegukana igikombe cy’Amahoro muri uyu mwaka wa 2018, izahagararira u Rwanda mu mikino  y’Afurika “CAF Confederation Cup 2019”. APR FC ni yo ifite igikombe giheruka.

TANGA IGITEKEREZO

Leave a Reply

Your email address will not be published. Required fields are marked *