20°C , Mostly cloudy | Kigali-Rwanda
John Rwangombwa, Guverineri wa Banki Nkuru y'u Rwanda (Foto James R.)

Ibyoherezwa hanze byazamutseho 31% mu mezi abiri ya 2018

Yanditswe na MUTUNGIREHE SAMUEL

Ku ya 29-03-2018 saa 07:03:47

Guverineri wa Banki Nkuru y’u Rwanda, John Rwangombwa, yatangaje ko mu mezi abiri abanza y’uyu mwaka wa 2018 ibyoherezwa hanze byazamutseho 31.0%.

John Rwangombwa, Guverineri wa Banki Nkuru y’u Rwanda (Foto James R.)

Mu kiganiro n’itangazamakuru, Rwangombwa yavuze ko akanama gashinzwe politiki y’ifaranga (Monetary Policy Committee, MPC) kasanze ubukungu bukomeje kuzamuka neza mu gihembwe cya mbere cy’umwaka wa 2018.

Ati “Turabona kuzamuka kwiza mu byoherezwa hanze kungana na 67% mu mwaka ushize 2017, turabona bikomeje kwitwara neza; mu mezi abiri ashize ya 2018 ibyoherezwa hanze byazamutseho 31% ariko turabona kuzamuka kw’ibitumizwa hanze, mu mwaka ushize byari byamanutse ariko muri aya mezi abiri ashize byazamutseho 13.2%.”

Mu bindi byagaragajwe mu kanama gashinzwe politiki y’ifaranga, ni uguta agaciro k’ifaranga ry’u Rwanda imbere y’idolari aho byageze kuri 0.8% kugeza tariki ya 20 Werurwe 2018 ugereranyije na 0.6% mu gihe nk’icyo cy’umwaka wa 2017; bikaba biteganyijwe ko ifaranga ry’u Rwanda rizata agaciro ku kigero kitarenze 4.5% mu mwaka wa 2018.

Mu rwego rw’ubutajegajega bw’urwego rw’imari (Financial Stability Committee, FSC), amabanki n’ibigo by’imari bikomeje kwitwara neza haba mu gihembwe cya kane cy’umwaka ushize wa 2017, umutungo wabyo wazamutseho 12.9% ugera kuri miliyari 2.7 z’amafaranga y’u Rwanda.

Muri icyo gihe kandi, umutungo w’ibigo by’imari wazamutseho 9.7% ungana na miliyari 224.3, umutungo w’urwego rw’ubwishingizi uzamukaho 15.3% ugera kuri miliyari 399.9  naho umutungo w’ikigega cy’ubwishingizi uzamukaho 17.7% ugera kuri miliyari 717.9 z’amafaranga y’u Rwanda.

 

 

TANGA IGITEKEREZO

Leave a Reply

Be the First to Comment!

avatar