26°C , Partly sunny | Kigali-Rwanda

Iby’indirimbo ya Bruce Melodie yakuwe kuri Youtube byasobanuwe

Yanditswe na Ndamyirokoye François

Ku ya 29-03-2020 saa 13:17:17
Itahiwacu Bruce uzwi nka Bruce Melody

Nyuma y’uko indirimbo ya Bruce Melodie “Henzapu” ikuwe ku rubuga rwa Youtube ushinzwe kureberera imbuga nkoranyambaza za Bruce Melodie  yasobanuye uko byagenze n’ikigiye gukorwa.

Nando  yatangaje  ko hari abatanze ibirego  kuri Youtube  bavuga ko  Bruce Melodie yabavuze nabi muri iyi ndirimbo  ariko ko Youtube yabasabye kubandikira kugira ngo bayigarureho.

Yagize atii “Hari abavuze ko mu ndirimbo  babatutse. Youtube rero yabaye iyikuyeho ariko birakunda. Ikibazo ni uko biri kuba muri ibi bihe bya Coronavirus benshi baba batari mu biro  ariko birakunda. Badusabye kwandika ibaruwa ibisobanura tugatanga n’ibimenyetso bifatika kandi turabifite rero nta kibazo kirimo”.

Iyi ndirimbo Bruce Melodie yakorewe mu nzu itunganya umuziki yitwa  Country Records, isohoka ku wa mbere tariki 24 Werurwe 2020 iherekejwe n’amagambo  yayo “Lyrics”.

Bruce Melody aherutse gutangaza  ko yanyuze muri byinshi mu rugendo rwe rw’umuziki ari nabyo yaririmbye.

Mu buryo bw’amajwi iyi ndirimbo yakozwe n’utunganya indirimbo ukoresha izina rya  Element (Eleeeh) amajwi akaba yaranononsowe  na Bob Pro.

Ushobora kureba iyi ndirimbo ku yindi channel itari iya Bruce Melodie

Umwanditsi:

Ndamyirokoye François

3 Comments on “Iby’indirimbo ya Bruce Melodie yakuwe kuri Youtube byasobanuwe”

Tanga Igitekerezo

Email yanyu ntigaragazwa ku rubuga. Amazina na Email ni ngombwa.