26°C , Partly sunny | Kigali-Rwanda

Ibikwiye kwitwararikwa abantu birinda gukubitwa n’inkuba

Yanditswe na NYIRANEZA JUDITH

Ku ya 25-09-2020 saa 16:40:48
Hari ibyo umuntu akangurirwa kwirinda mu gihe k'imvura irimo inkuba n'imirabyo byamurinda gukubitwa n'inkuba

Ibikorwa bitandukanye umuntu akora bimufitiye akamaro ni byiza ko bikorwa bitagira icyo bibangamira cyangwa ngo bibe byateza ibibazo. Akaba ari yo mpamvu hari inama abantu bagirwa mu rwego rwo kwirinda gukubitwa n’inkuba.

Mu kwirinda gukubitwa n’inkuba, abantu barasabwa kwitwararika bakirinda gukoresha ibyuma byose bikoresha amashanyarazi mu gihe umuntu ari mu nyubako itagira umurindankuba, ibyiza ni ukubicomokora mu gihe k’imvura irimo imirabyo n’imihindagano y’inkuba.

Nk’uko bitangazwa n’Umuyobozi w’Ishami rishinzwe gutabara abahuye n’ibiza no gusana ibyangijwe n’ibiza, Philippe Habinshuti muri Minisiteri y’Ibikorwa by’Ubutabazi, MINEMA abantu bagomba kwirinda kugama ahegereye iminara y’itumanaho; kwirinda kugenda ku magare cyangwa amapikipiki; kwirinda gukoresha terefone mu gihe k’imvura no kwihutira gushyira imirindankuba ku nyubako aho itarashyirwa.

Habinshuti Philippe, Umuyobozi w’ishami rishizwe gutabara abahuye n’ibiza no gusana ibyangijwe n’ibiza muri MINEMA

Ni byiza ko ibikoresho bikoresha amashanyarazi bifungwa mu gihe k’imvura

Imitaka iri mu bigomba kwitonderwa gukoreshwa mu gihe k’imvura

Umwanditsi:

NYIRANEZA JUDITH

Tanga Igitekerezo

Email yanyu ntigaragazwa ku rubuga. Amazina na Email ni ngombwa.