27°C , Mostly cloudy | Kigali-Rwanda
Aba ni bamwe mu bigeze kwitabira ibirori bya Kigali Fashion Week

 I Burayi: Hazaba Kigali Fashion Week

Yanditswe na NDAMYIROKOYE FRANÇOIS

Ku ya 14-03-2018 saa 07:12:53

Ibirori bya Kigali Fashion Week bigamije guteza imbere imideli, abanyamideli nyarwanda ndetse no guteza imbere muri rusange umwuga wo kwerekana imideli kuri iyi nshuro bizabera mu Bubiligi no mu Buholandi  ku mugabane w’u Burayi.

Aba ni bamwe mu bigeze kwitabira ibirori bya Kigali Fashion Week

Munguzi Martin umwe mu babarizwa muri komite itegura iki gikorwa  yatangarije Imvaho Nshya  ko  ibi birori bizatangira ku ya 24 Werurwe 2016 mu Buholandi  hakaba ukwerekana imideli umwanya muto, ku ya 25 Werurwe 2018 hakaba  kugurisha ibikorwa byahanzwe n’abatunganya imideli na byo bikazabera mu Buholandi.

Yagize ati Ibi birori bizatangirira mu Buholandi bisorezwe mu Bubiligi”.

Yakomeje avuga ko ku ya 30 Werurwe 2018 i Bruxelles hazaba igikorwa  cyo kwerekana uburyo indyo nyarwanda ari nziza. Ku ya 31 Werurwe 2018 yavuze ko   ari bwo hazaba ibirori nyamukuru naho ku ya 1 Mata 2018 hazabe kumurika no kugurisha ibyo abatunganya imideli bose bazaba barajyanye kumurika muri ibyo birori.

Yavuze kandi ko abatunganya imideli  bagera kuri 20 ari bo bazitabira ibyo birori ngo ariko abazava mu Rwanda ni 7. Ku rundi ruhande ngo n’ubwo abo ari  bo bazava  mu Rwanda ngo hari abandi  Banyarwanda baba i Burayi bazamurika ibikorwa byabo muri ibyo birori.

Abanyamideli bazamurika imyambaro, Munguzi yavuze ko ari Abanyarwanda baba i Burayi ngo ariko umwaka utaha bazagerageza bazajyane n’abanyamideli bo mu Rwanda.

TANGA IGITEKEREZO

Leave a Reply

Be the First to Comment!

avatar