24°C , Partly cloudy | Kigali-Rwanda
Murenzi Raymond, umuyobozi mukuru w'ikigo k'Igihugu gitsura Ubuziranenge, RSB

Hifuzwa ko ‘Zamukana Ubuziranenge’ yafasha  mu bijyanye n’amata

Yanditswe na NDAMYIROKOYE FRANÇOIS

Ku ya 01-04-2018 saa 08:57:32

Umuyobozi w’Ikigo k’Igihugu gitsura Ubuziranenge (RSB), Murenzi Raymond, ubwo ubuyobozi bw’icyo kigo bwagiranaga inama n’abafite amakusanyirizo  y’amata yatangaje ko gahunda yo guteza imbere ubuziranenge yitwa  ‘Zamukana ubuziranenge’ bifuza ko yafasha cyane abafite ibitekerezo byiza bijyanye no gutunganya amata.

Murenzi Raymond, umuyobozi mukuru w’ikigo k’Igihugu gitsura Ubuziranenge, RSB

Iyi gahunda ya ‘Zamukana Ubuziranenge’, Murenzi Raymond yemeza ko izafasha cyane kuzamura urwego rw’ubuziranenge mu nzengo zitandukanye n’urujyanye n’amata rudasigaye inyuma.

Yagize ati «Muri gahunda yo guteza imbere ubuziranenge hari gahunda yitwa Zamukana Ubuziranenge twifuza y’uko yazamura cyane abafite ibitekerezo byiza  bijyanye no gutunganya amata».

Umuyobozi Mukuru wa RSB kandi yatangaje ko mu minsi yatambutse basuye amakusanyirizo y’amata mu gihugu, ariko baza gusanga muri yo angana na 75% atujuje ubuziranenge busabwa, mu gihe ayari abwujuje angana gusa na 30%.

Ku rundi ruhande, Murenzi avuga ko hakomeje gukorwa ubukangurambaga kugira ngo urwego rw’ubuziranenge rurusheho kuzamuka, abagura amata bage bagerwaho n’amata meza, kandi n’abayacuruza babikore bazi neza ko amata baha abakiliya babo nta ngaruka azabagiraho.

Ubu Ikigo k’Igihugu gitsura ubuziranenge cyahagurukiye kunoza ubuziranenge mu nzego zose mu rwego rwo kurinda no kurushaho kurengera ubuzima bw’Abanyarwanda, kuko hari byinshi bishobora kubuhungabanya igihe bariye, banyweye cyangwa se bakoresheje ibikoresho bitujuje ubuziranenge busabwa.

 

 

TANGA IGITEKEREZO

Leave a Reply

Be the First to Comment!

avatar