19°C , Mostly cloudy | Kigali-Rwanda

Hatanzwe amahugurwa ku bijyanye na filimi

Yanditswe na NDAMYIROKOYE FRANÇOIS

Ku ya 19-09-2018 saa 07:29:43

Eric Kabera utegura iserukiramuco rya Rwanda Film akaba ayobora ikigo cya  Kwetu Film Institute nk’uko muri iyi minsi harimo kuba  iryo serukiramuco yavuze ko abana n’urubyiruko bahawe amahugurwa ku bijyanye n’umwuga wa filimi akaba ari igikorwa cyabaye ku ya 17 Nzeri 2018.

Abana basobanuriwe byinshi kuri sinema

Aganira n’Imvaho Nshya kandi Kabera yavuze ko iryo serukiramuco ribaye ku nshuro yaryo ya 14 rikaba ryarahawe inyito ya “Heritage”.

Impamvu iryo serukiramuco baryise uko yavuze ko ari uko ririmo kureba ku gihe cyahise,  icy’ubu ndetse n’igihe kizaza.

Ati “Iserukiramuco ry’uyu mwaka rireba ku gihe cyashize, icy’ubu n’ikizaza”.

Mu gufungura iserukiramuco ry’uyu mwaka mu gikorwa cyabereye i Kigali i Nyarutarama ku ya 15 Nzeri 2018 herekanywe filimi yitwa  “Loved Jacked” n’iyitwa “Karani ngufu” ivuga by’umwihariko ku buzima bw’abana b’abakobwa bakora akazi ko mu rugo.

Mu gusoza iserukiramuco Kabera yavuze ko hazerekanwa filimi y’uwitwa  Sammy Davis Jr ivuga ku buzima bwe no ku murage mwiza by’umwihariko wo kubabarira.

Iserukiramuco ry’uyu mwaka rizasozwa ku ya 21 Nzeri 2018.

TANGA IGITEKEREZO

Leave a Reply

Your email address will not be published. Required fields are marked *