18°C , Mostly cloudy with thunderstorms | Kigali-Rwanda

Harmonize azataramira mu Rwanda

Yanditswe na NDAMYIROKOYE FRANÇOIS

Ku ya 25-01-2018 saa 07:32:34

Rajab Abdul Kahali uzwi nka Harmonize, umuhanzi wo muri Tanzaniya ubarizwa mu bahanzi bafashwa na Diamond Platnmuz muri Werurwe 2018 azataramira mu Rwanda mu  bitaramo byo gufungura ku mugaragaro imikorere ya The Mane ifasha  abahanzi, Marina na Safi Madiba.

Umuhanzi Harmonize wo muri Tanzaniya

BaadRama ubusanzwe witwa Mupenda Ramadhan mu kiganiro yagiranye n’Imvaho Nshya yavuze ko uwo muhanzi azaririmba mu bitaramo 2 kimwe kikazaba ku ya 23 Werurwe i Musanze ikindi kikazaba ku ya 24 Werurwe 2018 i Kigali.

Abisobanura yagize ati «Harmonize azaza kuririmba mu bitaramo byo gutangiza ku mugaragaro ibikorwa byacu kandi na Safi ni bwo azatangira kuririmbira abantu kuva yava mu itsinda rya Urban Boys yahozemo».

Marina na we ufashwa na The Mane azaririmba muri icyo gitaramo ngo kandi hazaririmbamo n’abandi bahanzi barimo Riderman, Queencha, Yvan  Buravan na Active.

Marina na we azaririmba muri icyo gitaramo

BaadRama avuga  kandi ko arimo kuganira  na Knowless ndetse na Bruce Melody kugira ngo  na bo bazaririmbe muri ibyo bitaramo.

Nyuma y’uko Safi yatandukanye na bagenzi be (Nizzo na Humble G) yakoze indirimbo 3 zirimo iyitwa «Got it» yakoranye na Meddy, «Kimwe kimwe» n’iyitwa  «Fine» aherutse gukorana na Rayvanny wo muri Tanzaniya.

Safi ushyigikirwa na The Mane mu muziki we

Umuhanzi Harmonize we azwi ku ndirimbo nyinshi zirimo iyitwa «Matatizo», «Shulala» yakoranye na Korede Bello wo muri Nigeria «Nishachoka», « Aiyola» n’izindi.

TANGA IGITEKEREZO

Leave a Reply

Be the First to Comment!

avatar