22°C , Mostly sunny | Kigali-Rwanda
Dr Munyakazi Isaac, Umunyamabanga wa Leta ushinzwe amashuri y'inshuke, abanza n'ayisumbuye (Foto James)

Gutanga imyanya ku batsinze ibizamini bya Leta byaravuguruwe

Yanditswe na Mugisha Benigne

Ku ya 03-01-2019 saa 07:49:15

Nyuma yo gutangaza amanota y’abanyeshuri bakoze ibizamini bya Leta bisoza amashuri abanza n’ikiciro rusange, Ikigo k’Igihugu cy’Uburezi (REB) kizakurikizaho gushyira abana mu myanya ubwacyo.

Dr Munyakazi Isaac, Umunyamabanga wa Leta ushinzwe amashuri y’inshuke, abanza n’ayisumbuye yavuze ko igikurikiyeho ari ugushyira abanyeshuri mu myanya mu gihe kitarambiranye, kandi bigakorwa na REB ubwayo.

Ati “Abanyeshuri barahabwa imyanya mu bigo by’amashuri mu gihe kitarambiranye, bizakorwa na REB, nta bwo bizakorwa uko byari bisanzwe ngo abayobozi b’amashuri baze kwihitiramo abanyeshuri batsinze neza.”

Dr Munyakazi yavuze ko abana batsinze neza n’abatsinze mu buryo bworoheje ngo bose bazabasaranganya imyanya ihari hatitawe ku bafite amanota menshi cyangwa make kugira ngo abana bose mu byiciro byose bazige hamwe, abafite intege nke bigane n’abahanga kugira ngo nabo bazamuke.

Ati “Nta bwo abayobozi b’amashuri bazongera kwitoranyiriza abanyeshuri batsinze neza ngo abe ari bo bahabwa, ubu abanyeshuri bose bazasaranganywa imyanya mu bigo byose bya Leta n’ibifatanya nayo ku bw’amasezerano, ibyo bizakorwa na REB, mu minsi mike cyane tuzaba tumaze gushyira ahagaragara buri mwana n’ishuri azajya kwigamo.”

Abajijwe mu manota azafatirwaho mu guha abana imyanya mu mashuri y’ikitegererezo no kohereza abandi mu mashuri ari muri gahunda y’uburezi bw’imyaka 9 na 12, Munyakazi yavuze ko amashuri yo mu burezi bw’ibanze bw’imyaka 9 na 12 n’ayo y’ikitegererezo yose ngo ari aya Leta kandi ngo nta cyo atandukaniyeho cyane uretse ko amwe abana biga bacumbikirwa andi bakiga bataha, ariko ngo ubumenyi buyatangirwamo ni bumwe.

Yaboneyeho akanya ko gusaba abanyeshuri kwitegura kwakira imyanya bazahabwa na REB kuko bizaba byakoranywe ubushishozi buri wese yahawe aho agomba kwiga.

Yasabye ababyeyi gukomeza gutegura abana gutangira amashuri, bagurirwa ibikoresho bikenewe, banategurirwa kugenda bahawe inama zuje impanuro.

Minisiteri ntiyigeze itangaza inota fatizo rizashingirwaho mu gutanga imyanya mu mashuri ku bana batsinze ibizamini bya Leta, kuko REB izabyikorera ubwayo kandi ngo abana bose bafatirwa ku manota amwe nk’uko Minisitiri w’Uburezi yabigarutseho.

Dr Munyakazi Isaac, Umunyamabanga wa Leta ushinzwe amashuri y’inshuke, abanza n’ayisumbuye (Foto James)

 

TANGA IGITEKEREZO

57 Comments on “Gutanga imyanya ku batsinze ibizamini bya Leta byaravuguruwe”

  1. Aya makuru nimeza cyane, ubundi abayobozi bibigo bagenda inshuti zabo zarabahaye list za abana babo bigatuma ikimenyane gishinga imizi, ariko ikindi kiza kibi nuko abahanga bavanzwe nabatsindiye kumanota atari ayo hejuru bituma habaho gufashanya mumyigire kuko burya muri etude mwese muri kurwego rumwe sikimwe nuko haba barimo abafite ubuhanga bwo kurwego rwo hejuru.

  2. Nonese, ko twari tumenyereye ko abana b’abakobwa bafatirwa ku manota make ugereranyije n’abana b’abahungu, byaba atariko bikimeze?

  3. N’ubusanzwe ntabwo abayobozi b’amashuri bitoranyirizaga abana, njye maze imyaka 10 nkora uwo murimo ntabwo nigeze mbibona.

  4. Abana bibuze amanota bakoresheje internet nibenshi cyane mubafashe barahangayitse cyane..eg:0403111OLC0062018

  5. Minisitiri ndamwemeye. Ubundi mubyukuri ntamwana utatsindaga kuko bose bajyaga muwa 4 cg mu wa 1. Ugasanga abadashoboye bose bari mu ishuri rimwe rya 12 years abashoboye bari muri za boarding. Ukabona education ibaye exclusive aho kuba inclusive. Kdi hari nabana bahabwaga boarding kubera ubushobozi buke bakigira muri 12 years bakazatsinda neza ibizamini bya leta. Njyewe kuruhande rwanjye abana bose babahe ibigo byaba boarding cg tuelve ushoboye boarding ayijyemo utayishoboye ajye ahajyanye nubushobozi byababyeyi abana bazajye bigana bazamurane. Basobanurirane bafashanye mu ma groups nk’uko compétences based curriculum ibiteganya.

      1. Uvuze ukuri, ibindi byose ni sawa ariko motivation kumwana watsindiye hejuru ntayo kuko wasanga uwatsindiye hejuru bamuhaye 9 or 11 years school. Ubundi se ubwo ababyeyi ntibazarecrama nibabona abana babo babohereje muri nine or twelve years school Kandi baratsinze neza.?

  6. Hati ikizaba gipfuye: Kudaha akaciro imbaraga zakoreshejwe kugira ngo umuntu agire amanota runaka. Ntabwo bimotiva abana gukora cyane. Ni ngombwa ko abantu babona ka hari icyo barushije abandi kugira ngo n’abandi babiharanire. Gushyira mu gatebo kamwe abana batatsinze kimwe ni ukudaha abasigaye ishyaka , imbaraga zo kurushanwa no guharanira gukora cyane bizakurikirwa n’ishimwe azabona. Gutsinza neza bijyane no guhabwa ikigo cyiza. Kuko birazwi ko bitandukanye mu mikorere, aho biherereye n;uburyo abana n’ababyeyi bahiyumvamo n’ubwo program zaba ai izmwe.

    1. Ibi uvuze nibyo. Nibyiza ko umwana yumvako agomba gukora cyane kugirango abone ikigo runaka. Ikindi nukubera iki Bari bemeyeko abana bahitamo ibigo 3 bifuza kwigamo. Ese ububuryo bwo ntibuzabangamira abana bifuzaga kwiga hafi yiwabo ngo bibagabanyirize amafaranga atangwa mungendo. Ushobora kuzabona umwana wi Nyagatare agiye kwiga i Rusizi. Byarikuba byiza iyo Minister atubwira criteria REB nayo izagenderaho. Ibi njye ndabona ingaruka nyinshi zuko ababyeyi benshi bazaitamo kujyana abana muri mashuli yigenga nibura ameze neza. Naho kuvugako ibigo byose bifite ubushobozi bumwe sibyo nagato. Nibyo twifuza ariko ukuri kurigarafaza.

  7. Hon Minister, what i beg you is to remind REB the way they will admit Senior one students those kids shouldn’t go beyond the district or Province.

  8. Ndashimira minisiteri y’uburezi uburyo yihutishije itangazwa ry’amanota y’ibizamini bya reta. Arko nanone ndabasaba ko mu rwego rwo kumotiva Abatsinze hajya hategurwa uduhembo ku rwego rw’ikigo

  9. Niba umwana yarabonye amanota meza ntabone ikogo cyiza,ibyo ntibisobanura kudaha agaciro imbaraga yakoresheje?Ni irihe shyaka ababibonye bazagira ngo nabo batsinde neza?Ubundi umwana yakoraga ashaka kuziga muri Lycee Notre Dame de Citeaux,Byimana
    …ariko niba azagira amanota meza ntahahabwe ahubwo agashyirwa aho atasabye,azaba avukijwe uburenganzira bwe.Ubwo se niba nta nota fatizo,rya reme duhora twifuza tuzarikura he?Njye sinemeranya n’icyo cyemezo rwose.

  10. Backward thought!
    Hussein mubyukuri igitekerezo cyawe navuga ko cyasigajwinyuma manages akayamvugo yo hamberaha ipfoba!
    Abana bagomba kwigna ababyeyi batabyumva babajane muyigenga 100%

  11. Murakoze Minister. Ndemeza ntashidikanya ko uyumwanzuru ari ingirakamaro, kdi abafite impungenge z’imitsindire y’abana naho bagomba koherezwa ndumva atari impamvu nyamukuru kuko Isaac nawe are ba kure kdi yabitorewe abishoboye ikiyongera kuribyo ntabwo nawe yatesha agaciro ubuhanga bw’abana cyango ashyigikire ko bamwe bamenya kurusha abandi. Nkuko tuziko ubwenge burahurwa, nibyiza ko abana bose bisanga mu murongo umwe W’uburezi ntakuvuganzo hari abikirenga kurusha abandi . Ubundi se bitwaye iki umwana azamuye mujyenzi we mukwiyubaka kdi ndahamya neza ko uyumwanzuro uzaba inyamibwa muguharanira life long learning.

  12. Bano banu barasekeje koko, bavanyeho gusibira no kwirukana, bavanaho bursary kandi ibyo byose bya motivsga abana bakarushanwa, ubwose barumva umwana uzongera kwiga ari inde? Bavaneho rero n’ibizamini by’akazi!!!!! Kandi ndumva ibyo bizami ntacyo byaba bimaze ahumbwo bimara umutungo w’igihugu bajye bimura bisanzwe. Umwana ahitamo bitewe nicyo yiguza akagiharanira ntsbwo abayobozi batoraga ahubwo bsgataga abahidemo ibigo byabo. REB urashaka akazi kenshi k’ abareclama

    1. Nshimiye abagize iyi mitekererere (phylosophy of education).
      Abazanye iyi philosophy, batubwire niba bikiri ngombwa gutanga ibizame by”akazi kuko noneho n’abadatnga umusaruro bidaturutse ku bunebwe, ahubwo biturutse ku ntege nke bakwakirwa bagakora ibyo bashoboye ntacyo. Ese gukorera ku mihigo biracyari ngombwa ko mbona uko umuntu akoze kose nta kibazo? Ese bya bindi byo gutanga amanota ashingiye kuri performance y’uturere byo hari agaciro kanini bisigaranye, ese kuki hakorwa ibizami bya Leta bitwa imbaraga (resources) zingana zitya? Niba turi professional educators, dutekereze iki kintu uko cyamera: ufite mu ishuli rimwe umwana utazi gusoma no kwandika kuko atabasha kubimenya kubera ubushobozi muby’ubumenyi (low IQ) ukanagira umwana w’umuhanga cyane uzi byinshi cyane kdi ufata vuba (normal or high IQ). Ikizavamo ni uko nubashyira mu ishuli rimwe uzabura intama n’ibyuma. Muri boo nta n’umwe uzabasha kwigisha. Igihe uzaba uhanyanyaza ngo wawundi byibuze amenye gusoma, wawundi ukeneye ibijya mbere ntuzamu onera umwanya. Nubaha imyitozo imwe, umuhanga(mumbabarire gukoresha iyi nyito) azayinywa nk’amazi, naho wawundi w’intege nke ntazamenya ibyo aribyo. Nurindira ngo nawe abimenye, hari ubwo utazabigeraho, nunabigeraho nyuma y’imbaraga nyinshi wawundi twise umuhanga azaba yakererewe kwiga ibyo akeneye.
      Uburezi bwagiue bugira impinduka nyinshi(reforms) kuburyo rwose zimwe zidutera impungenge harimo n’iyi.
      Izi comments turimo gutanga, tuzishingire kuri reality yo mu ishuli. Nibwirako nta professional teacher/educator washyigikira ibi dukurikije uko educational system imeze mu karere turimo. Biramutse byakunda ko hakoreshwa methodes actives et participatives (twibutse ko zisaba abarezi b’abahanga cyane, imfashanyigisho zitandukanye kdi zihagije ndetse n’umubare w’abana ukaba muke mu ishuli (15-25), bikanasaba amasaha menshi yo gutegura isomo rimwe) ibi byo guhuriza aba bana mu ishuli nibwo byagira umusaruro.

      Muzarebe neza, muzabona ko ibi bizagira ingaruka:
      1. Hagiye kuvuka amashuli ya prive/ private menshi ya secondaire kuko abashoramari bareba kure barahita babona ko ababyeyi basobanukiwe batajyana abana babo muri iyi system. Ibi niko byagenze ubwo ibi byabaye muri primaire (amashuli menshi ya prive yaravutse ubwo hagiyeho system ishyira abana benshi mu ishuli na professorat muri primaire. Ubu izi primaire zisigayemo ab’amikoro make)
      2. Ubushobozi bw’ababyeyi(purchasing power) bugiye kugabanuka. Aya mashuli meza ya secondaire yatangaga uburezi bwiza kuri make, ariko kuko ubu bagiye kubashyira muri za prive zihenze, bizabagiraho ingaruka
      3. Nta bishoboye bazongera kohereza umwana muri secondaire public, ibi bizatuma agaciro k’aya mashuli kagabanuka nk’uko pimaire za Leta zimeze ubu (9,12YBE)

      Uyu ni umusanzu wanjye w’igitekerezo nk’umuntu wize kdi wakoze uburezi

  13. Ndabona ntacyahindutse nubundi, iyo umwana yatsindaga yajyaga aho yashize first choice ye cyangwa second choice bitewe namanota yabonye.

  14. Birumvikana pe! ni inclusive education, ariko bashishoze barebe kure icyazatuma ba bana batirara. kuko nihaba garimo50% batsinze neza, n’abandi batanzinze neza, hazabamo ecart ndende mu myigire yabo. jye numvaga iyi système yagakurikiwe n’uduhembo dutandukanye tuzajya duhabwa abanyeshuri bazajya bitwara neza nyuma ya buri sizwa ry’igihembwe, cyangwa hakarebwa ubundi buryo buziguye bwazajya bumotivatinga abana muri competence yabo, murakoze

  15. Turashimira umunyamabanga wa leta ushinzwe amashuri y’inshuke nayisumbuye kubwimpinduka Nziza zo kuzamura ireme ry’ubureze bikazafasha abana kongera capacite yabo Kuko bazaba bigana aringeri zitandukanye bagasangira ubumenyi bafite kuko ubundi byabaga bigoye kubona abana bafite capasite imwe bigana bwo ubwabo usanga banapingana bitandukanye nokuba bigana capasite zaba zidahuye aho burumwe abaza mugenziwe Kuko haricyo aba amurusha kandi n’atwe abarezi biratworohera kuko umwe asobanurira mugenziwe

    Icyo gitekerezo turagishyigikiye gishyirwe mubikorwa atarugutekinika

  16. iyo gahunda ni nziza, ariko abarimu bazakaze umurego, kuko hari igihe Mu magroupe ba banyeshuri bari fort ari bo bakora cyane, ugasanga abandi baranengeka! jye ku bwanjye ndumva
    hakabayeho self evaluations nyinshi, kandi byanaba byiza ubuyobozi bwa buri kigo bushyizeho gahunda y’ibihembo Ku batsinze neza nyuma ya reclamation ya buri gihembwe kugira ngo ba bana babe competent naho ubundi nta cyazatuma umwana yigana umuhate, ahubwo hajya hibonekera ama ecart y’imitsindire.

  17. Abafite private schools mushiremo akabaraga ndabona REB ibahaye intango. None se ni gute umwana wagize atanu ajya kwiga n’uwagize 25 atazi no kuvuga neza icyongereza.

  18. Umwana niba yagize amanota menshi yagombye kurekerwa uburenganzira bwe agahabwa aho yahisemo akiga aho yifuje kuko ni motivation.

  19. Jye ndabona bizakuraho byabindi bimwe mubigo by’amashuri byiyemeraga ngo byigisha neza kuruta ibindi kandi ari uko byabaga byarahawe Ababa b’intiti gusa. Aha niho gutanga ubumenyi bwabyo bizagaragarira.
    Ahubwo icyo nasaba Ministiri n’uko ibigo byose by a let’s n’ibifatwa nka let’s, amafaranga y’ishuri yaba amwe, n’agahimbazamusyi ka mwarimu kakaba kamwe hose.
    Murakoze.

  20. Umuyobozi njye sinemeranya nawe kuko uburezi butagira competition sinabushima kuko ni gute umwana yagira amanota ya mbere ukamujyana mumashuri ya 9 na 12 years ngo abana Bose barangana !!! nawe ni agashya azanye muri Mineduc ujye wese azana isura nsha

  21. Somehow it will challenge some students to the given school ex:far of their home even their parents due to the school fees. Thxs

  22. Byaribyiza ariko ntakitagira cote negatif burya muburezi hagomba bubamo competition nimba Umwana yararaye amajoro yiga agatsinda neza ariko ntabone ikigo ashaka bizamubabaza mugihe hari uwabonye macye ariko akiga kukigo cyiza murakoze!

  23. Mwakoze Nyakubahwa Minister, uyu mwanzuro wari ukenewe. Nkeka ko Amashuri yabonaga abanyesheshuri baciriritse byatumaga n’abarimu badakora akazi kuko nta challenges bahuraga nazo z’abanyeshuri bazaza. Iyo muri abahanga mutuma mwalimu nawe ategura neza noneho akigisha ibyo yumva kdi yasubiye mo neza kuko aba azi ko abanyesheshuri be bari bamubaze akabambika.

  24. ntera iri hagati y’inota mfatizo kubakobwa n’abahungu ni mini cyane pe! 55 /47 aha ho ndabona Atari sawa!

  25. Nyakubahwa minister, ibi bintu ndumva Biri butume competition igabanuka kandi dushaka excellence. Tuzi neza ko amashuri adafite ubushobozi bumwe. Indatwa y’ibutare ntabwo wayigereranya na group scolaire ………… what is required is transparency in selection.

  26. Ibya Mineduc turabimenyereye muvaneho byose nibyo bizami ndunva arumugenzo ejo nimuvaho abazabasimbura bazabisubiza ho gusa ntibizabuza abadindira kuko ntamuhate wumunyeshuli uziko niyo atakwiga azabona ishuli ryiza.yewe mukora udushya gusa ntakindi navuga.

  27. Mwebwe bayobozi bakuru bacu muri mu myanya yo hejuru kuko mwabiharaniye mukarushanwa mu ishuri mugatsinda neza kurusha abandi mwiganaga. None se mwebwe niba mwararushanijwe mukabihemberwa kuki mwumva ko abana babyiruka batarushanwa nabo ngo batere ikirenge mu cyanyu! Ndabona rero mu minsi iri mbere tuzagira abantu benshi bize ariko badatanga umusaruro. Niba mwemera ko abana bose bize amasomo amwe baba bafite ubushobozi bumwe nimukureho ibizamini by’akazi kandi abantu bose bize mukabashakire kuko umuntu yigaga ashyizeho umwete aharanira kurusha abandi ariko mu gihe umuhate we uteshejwe agaciro abenshi bazacika intege kuko ntacyo bazaba baharanira!

  28. iki cyemezo gifite ibyiza byacyo n’iibibi.
    icyiza, nuko umwana yigaga nezau aharanira kuzajya mu kigo kitwa kiza natwe ababyeyi tugahigana imihigo yibihembo tuzaha abana bacu mu gihe bansinze neza kandi bigatuma abana bashyira imbaraga mu kwiga pe.
    icyi cyemezo rero ndabona kigiye guca intege abana mu kwigana imbaraga cyane ko azi neza ko ikingenzi arugutsinda gusa ko ataharanira kujya mu kigo iki niki ngo azakibone kuko yatsinze neza.

  29. Rwose turababaye kuba twarasabye ibigo byiza abana bakabiharanira bakabigeraho twari twiteguye ko bazahabona none nibisanga ahandi abana baraba dessus kdi abana baba baategujwe nabarimu babo bababwira ngo mugire aya naya kugirango muzige aha naha.njyewe ntibinyuze.Reka dutegereze.

  30. Nibahe 9 & 12YBE Imbaraga n’ibikoresho umusaruro uziyongera. N’ubundi abana boarding schools zabaga zasaguye ni bo bahuriraga mu kizamini nabagiye muri nine and twelve yeras basic education kandi bose bagatsinda. Inclusion in all levels of education is necessary. Thank you Minister.

  31. ndabona PLE (Primary Leaving Exams) ntacyo ikimaze uyu munsi iri gutwara umutungo w’igihugu gusa muri surveillance na marking.byavaho umwana agashyirwa mu mwanya yagenewe na REB

  32. Buriya, byose bigomba kwitonderwa, nabonye hari abavuga ko abana bazamurana. Inshingano z’abana n’ukwiga bagatsinda. Ariko bose ntibafite ubushobozi bungana. Abarimu nibo bafasha ufite ubushobizi buke akamwitaho. Umunyeshuli w’umuhanga iyo atabonye ishuli ryigisha neza aradindira agasubira inyuma. Tuzi neza ko ibigo by’amashuli bitanganya ubushobozi mu kwigisha, kwita ku bana, discipline, ibikoresho, inyubako, n’ibindi bituma umwana yiga neza. REB izashishoze neza abana babaye abambere bahize abandi ibashyire aho bashobora gukomeza neza ntibadindizwe n’uko bajyanywe mu bigo bifite ubushibozi cg intege nke!

  33. Ibi bizagabanya competition mu banyeshuri kuko umunyeshuri yigaga ashaka ikigo gicumbikira abanyeshuri none ubwo bivuyeho nta munyeshuri uzongera gukora cyane maze rya reme ryuburezi mwashaka rigiye noneho gusubira hasi cyane

  34. Njyewe mbabwize ukuri ndababaye ibi ntaho bizageza uburezi bufite ireme.competition izava he umwana azi ko kujya mu kigo cyiza bitagombera amanota .Niba bavuga ko amashuri yose angana sinzi icyo bashatse kuvuga Kandi niba ari ukuri nibakureho ibizamini byose.No gutanga akazi bajye bakoresha ubundi buryo butari ibizamini.

  35. Niba bavuga ko amashuri yose ari amwe abana babo biga muri za tuelve na Nine basic education Ni bangahe .Ese kuki habaho amashuri acumbikira abana n’atemerewe kubacumbikira kabone n’aho yaba abifitiye ubushobozi.Nyakubahwa minister iki cyemezo ntigihuye na realité pratique c’est purement théorique.

  36. Muraho?Ibi ndabona Ari ukwirengagiza ko tugifite ibigo ubona uburezi bwabo buri hasi cyane.Cyane cyane muri za 9 na 12 years ,aho usanga umwana agira 30 ku ijana ugasanga amwimuye ngo yatsinze .Mumbwire ukuntu bazoherezayo umwana watsindiye ku manota 5muri primaire n’uwatsindiye kuri 8 muri tronc commun ngo agende bigane?
    Ikindi ntabwo numva ukuntu ibigo bisanzwe bizwi ko Ari ecoles d’excellence cyane cyane ibigo by’abihaye Imana bizwiho gutanga uburezi bufite ireme bitangira abana bagashaka abarezi babishoboye Kandi bagashoramo n’izindi mbaraga kugirango bahore ku isonga,wabigereranya na by bigo usanga umwana abona ifunguro rya sa sita bigoranye usanga mwarimu waho nta ka prime abona,maze ngo uvuge ko ibi bigo byose bitanga uburezi bumwe.Ndabarahiye ibi no uguca intege abana b’abahanga kuko bazaba bavuga ngo n’ubundi yatsinda neza yatsinda gahoro bashobora kumuha G.S Buzinganjwiri.Hamwe ajya mu ishuri avuye kuvoma amazing mu gishanga,bagatanguranwa muri refet ngo ibyo kurya bitamushiriraho,cg bakabohereza mu biruhuko ibyumweru bitatu mbere ngo stock y’ibiryo yashize..Bityo no hukererwa kugera ku ishuri bikabafasha ngo babe bateka dukeya mu gihe abanyeshuri bakiri bake.Ubu nyine abagiye kubigwamo ni abana b’abakene kuko nta yandi mahitamo azatsinda aho bamushyize hose ajye aho ariko abana b’abifite bo bazabashakira amaprivé akomeye babajyaneyo aho kwiga muri GS Buzinganjwiri .Erega ntabwo abana Bose bashobora kunganya ubwenge!!!Abatabufite Kandi nabo si ikosa ryabo ahubwo ababufite nibareke babubyaze umusaruro bige neza,heza,Bityo bazavemo abantu nyine bakomeye,Naho Abatabufite nabo batoranyirizwe aho biga n’ibyo biga binyanye n’ubushobozi bafite.

  37. Nanjye ndemeza neza ko abana b’ abahanga biganye n’abafite ibtege nke byaba ari byiza cyane kuko bazamurana mu bumenyi bugamijwe kugerwaho. Ukindi kdi ntibyumvikanaga uburyo habaho ibigo bitoranirizwa abana b’ imbere gusa ibindi nabyo bigahabwa ab’ intege nke gusa kdi bose ugasanga babazwa umusaruro ungana mu mpera z’ umwaka! Rwose iki gitekerezo cyo kuvanga abana hatitawe ku manora bsbobonye cyari cyaratinze. None se inclusive education bavugaga yariyo100%? Ntekereza ko ubu aribwo igiye kujya yaba yo neza niba koko iki gitekerezo cyo kuvanga abana bose gishimangiwe.

  38. Wa mugani nibashaka na PLE bayikureho kuko nta kamaro igifite. Baransetsa cyane nk’ukuntu bajya bavuga ngo uburezi bwo muri public schools bufite ireme kandi ugasanga nta mwana wabo wigayo ahubwo bose bibereye muri private schools. Niba koko iryo reme ry’uburezi rihari kuki batareka ngo n’ababo bigeyo. Those are decisions which will have negative impacts in future.

  39. Abayobozi bib’ibigo ntibigeze batoranyaga abana, ahubwo choice y’umwana n’amanota yagize nibyo byagenderwagaho. Iyo umwana atuzuzaga umwanya REB yongeraga kohereza undi.

  40. Yewe turabashimira rwose kuburezi bwiza mutugezaho.
    Ariko se kuki mutajya muzana ibitabo by’integanyanyigisho nshya guhera mu mwaka wamashuri yisumbuye wa kane (4) kugeza muwa gatanu(5) biratubangamiye ibyo bintu kandi bimaze igihe kirenga imyaka 3.MUBIKEMURE murakoze kandi mujye munatumenyesha koko niba muri kubikemura.

Leave a Reply

Your email address will not be published. Required fields are marked *