17°C , Partly cloudy | Kigali-Rwanda
Umuhanzikazi Grace Gra3ce uba muri Leta zunze ubumwe z'Amerika

Gracious Gra3ce yasohoye igihangano gishya

Yanditswe na Ndamyirokoye François

Ku ya 15-03-2019 saa 12:23:30

Umuhanzikazi Gracious Gra3ce ubusanzwe witwa Imanariyo Marie Grace akaba akorera ubuhanzi bwe muri Leta zunze ubumwe z’Amerika aho yiga, yasohoye indirimbo nshya yitwa “Uwo kwizerwa”.

Mu kiganiro yagiranye n’Imvaho Nshya yavuze ko indirimbo ye nshya yayihimbye agendeye ku magambo ya Bibiliya aboneka muri Zaburi :121, yibutsa abantu ko Imana ari yo ikwiye kwizerwa.

Indirimbo ye nshya yavuze ko yakozwe na ISSA Pro mu nzu itunganya umuziki yitwa “DayStar Records”.

Nubwo atarabasha gusohora indirimbo nyinshi avuga ko afite indirimbo zigera kuri 40 yanditse atari yasohora ngo ariko ikifuzo ke ni ugukomeza kuzijyana mu nzu itunganya umuziki akazikora zigasohoka ubutumwa bukubiyemo bukagera ku bantu.

Avuga ko kandi intego ye ari uko umuntu uzajya yumva indirimbo ze atazajya yumva umudiho w’indirimbo gusa ahubwo azajya agira ubutumwa asigarana buvuye mu bihangano bye.

Mu bihe bizaza mu rwego rwo kwagura ubuhanzi bwe avuga ko afite ikifuzo cyo kuzakorana indirimbo n’abandi bahanzi baririmba indirimbo zo kuramya Imana no kuyihimbaza.

Ku rundi ruhande avuga ko gukorera umuziki muri Leta zunze ubumwe z’Amerika bitamworohera kubera amasomo ngo ariko uko abonye umwanya ajya mu nzu zitunganya umuziki agakora ibihangano.

Ati “Nta bwo binyorohera kubera amasomo gusa iyo mbonye umwanya nkora indirimbo.”

Avuga kandi ko kuba ataba mu gihugu kimwe n’umukorera indirimbo nabyo ari imbogamizi ngo ariko bagerageza guhuza amasaha bagakora hifashishijwe ikoranabuhanga.

Ngo kandi n’ubwo bimeze uko anezezwa n’uko indirimbo ikorwa muri ubwo buryo ikarangira neza.

Izindi ndirimbo afite harimo iyitwa “No other God”, n’iyitwa “Wa musozi”

Umuhanzikazi Grace Gra3ce uba muri Leta zunze ubumwe z’Amerika

TANGA IGITEKEREZO

Leave a Reply

Your email address will not be published. Required fields are marked *