18°C , Partly sunny | Kigali-Rwanda

Goma: Baribaza ku mibereho y’abanywaga amazi bakuye mu Rwanda

Yanditswe na Imvaho Nshya

Ku ya 02-04-2020 saa 17:56:04
Amazi yo mu Rwanda agura ku giciro cyo hejuru

Inkuru yasohotse mu kinyamakuru “Habari RDC” mu kwezi k’Ukwakira 2019, yerekana uburyo  abaturage benshi batuye mu Mujyi wa Goma muri Repubulika Iharanira Demokarasi ya Congo (RDC) bakunda amazi meza bavoma mu Rwanda.

Ibi ngo biterwa n’uko b nta bikorwa remezo by’amazi meza bihagije biri muri uwo mugi,ku buryo abaturage bamwe bamenyereye gukoresha  amazi y’Ikiyaga cya Kivu mu buzima bwabo bwa buri munsi.

Bitewe n’uburo amazi y’u Rwanda akunzwe cyane, mu Mujyi wa Goma usanga inyandiko ku nzugi no  ku nkuta z’amwe mu mazu handitseho ngo “Hano, ducuruza amazi y’u Rwanda…” mu ndimi  zikoreshwa cyane zirimo rw’igiswahili, Igifaransa cyangwa Ilingala.

Abatuye mu Mujyi wa Goma bahamya ko amazi bavoma  mu Rwanda ari meza by’intangarugero ku buryo muri uyu mugi wegeranye n’uwa Gisenyi mu Karere ka Rubavu agura ku giciro cyo hejuru kuko bizera ko nta ngaruka yagira ku buzima bwabo nk’ayo mu kiyaga.

Mu gihe Isi yose, u Rwanda na RDC byugarijwe n’Icyorezo cya Koronavrusi (COVID19), Itsinda ry’abanyeshuri bo muri RDC biyemeje gukurikirana imibereho n’iterambere ry’ubukungu by’abaturage (Maisha RDC), ryibajije ku rubuga rwa twitter uko abakunzi b’amazi y’u Rwanda mu gihe urujya n’uruza rw’abaturage ku mupaka rwahagaritswe.

Iryo tsinda rtyagize riti: “Ese abanywaga amazi bavoma mu Rwanda ubu babaye iki ? Bavuga ko ubuze icyo ashaka anezezwa n’icyo afite…”

Abaturage b’i Goma  ubusanzwe bakundira amazi y’i Gisenyi kuba ari meza kandi atagira uburyohe (bw’umunyu) nk’ayo bavoma mu kiyaga cya Kivu, bakaba bavuga ko nubwo bibasaba kwambuka umupaka bajya kuyavoma mu Rwanda atari igihombo kuko abaha ikizere cy’ubuzima buzira indwara zikomoka ku mwanda.

Gusa muri ibi bihe bikomeye, mu rwego rwo gukumira ikwirakwizwa rya Koronavirus mu Rwanda IGuverinoma y’u Rwanda yongereye iminsi 15 ku gihe cyo gukurikiza ingamba zashyiriweho gukumira COVID-19.

Mu myanzuro yafashwe ni uko urujya n’uruza rw’abantu guhagarara n’imipaka igakomeza gufungwa, uretse ubwikorezi bw’ibicuruzwa n’Abanyarwanda bagaruka mu rwababyaye cyangwa abaturage bemewe n’amategeko,  bashyirwa mu kato k’iminsi 14 kugira ngo hamenyekane  ko banduye.

Abenshi mu baturage b’i Goma batuntzwe n’amazi bavoma mu kiyaga cya Kivu aba yuzuyemo umunyu mwinshi

 

Abaturage b’i Goma bagiye i Gisenyi kurangura amazi yo kugurisha

Umwanditsi:

Imvaho Nshya

Tanga Igitekerezo

Email yanyu ntigaragazwa ku rubuga. Amazina na Email ni ngombwa.