22°C , Partly sunny | Kigali-Rwanda

Gasogi United nyuma yo kunganya na Rayon Sports irakira Marines FC

Yanditswe na BUGINGO  FIDELE

Ku ya 09-10-2019 saa 09:21:39
Gasogi United yanganyije na Rayon Sports yiteguye gukura amanota atatu kuri Marines FC mu mukino w'umunsi wa kabiri wa shampiyona

Gasogi-Marines FC (Nyamirambo-15h00)

Ikipe ya Gasogi United  kuri uyu wa Gatatu tariki 9 Ukwakira 2019 irakira ikipe ya Marines FC  mu mukino w’umunsi wa kabiri wa shampiyona y’ikiciro cya mbere.

Uyu mukino urabera kuri Sitade ya Kigali i Nyamirambo guhera saa kenda (15h00). Nk’uko bitagazwa n’ubuyobozi bw’iyi kipe ya Gasogi United kwinjira ni amafaranga ibihumbi 5 mu cyubahiro,  ibihumbi 3 iruhande rwaho  na 1000 ahasigaye hose.

Agaruka kuri uyu mukino, umutoza wungirije w’ikipe ya Gasogi United, Nshimiyimana Maurice yavuze ko nyuma yo gukina na Rayon Sports abakinnyi bose bameze neza kandi biteguye. Yakomeje avuga ko n’abari bafite utubazo tw’imvune zoroheje  bose bameze.

Kapiteni wa Gasogi United, Kazind Bahati Guy a atangaza ko biteguye Marines FC nk’indi kipe yose ikomeye kandi batagomba kujenjeka.

Akomeza avuga ko intego ari  ukwitwara neza bagatsinda kandi biri mu ntego bafite kuko bashaka kuzasoza imikino ya shampiyona ibanza bari mu makipe 6 ya mbere.

Perezida w’ikipe ya Gasogi United, Kakooza Nkuriza Charles “KNC”  yatangaje ko  umukino wa Marines FC bawiteguye neza kuko ari ikipe nziza kandi yatangiye neza dore ko yatsinze Gicumbi FC ibitego 2-0 mu mukino ufungura shampiyona.

Yakomeja avuga ko umukino utaza kuba woroshye ariko nka Gasogi United bafite intego yo kubona amanota 3 ya mbere muri shampiyona. Aha akaba asaba abakunzi b’iyi kipe ndetse n’abakunda umupira w’amaguru kuza kureba uyu mukino.

KNC yashimiye umukino wa mbere Gasogi United yakinnye

Tariki 05 Ukwakira 2019 ni bwo Gasogi United yazamutse mu kiciro cya mbere uyu mwaka yakinnye na Rayon Sports, umukino urangira izi kipe zinganyije 0-0.

Perezida wa Gasogi United yatangaje ko ashimira cyane abamufashije kwamamaza uyu mukino ukitabirwa cyane.

Yakomeje avuga ko kuri uyu mukino binjije amafaranga asaga miriyoni 19. Iyi kipe mu ngengo y’imari bateganyije gukoresha umwaka wose, 20% bateganyije ko azava ku bibuga, KNC akaba yaratangaje ko muri aya 20% azinjira ku bibuga 7%  yabonetse ku mukino wa Rayon Sports.

Perezida wa Gasogi United yongeye kugaruka ku kibazo k’imyenda y’ikipe itaraza, avuga ko aho  bayikoresheje  babasabye ko bayizanira rimwe n’iy’abafana ariko ko mu cyumweru gitaha izaba yageze mu Rwanda.

Perezida wa Gasogi United, KNC (hagati), umutoza Nshimiyimana (ibumoso) na kapiteni, Kazindu (iburyo) bavuga uko biteguye umukino wa Marines FC

Umwanditsi:

BUGINGO  FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.