18°C , Showers | Kigali-Rwanda
Umuyobozi Mukuru w'Umuryango FPR-Inkotanyi akaba n'Umukuru w'Igihugu Paul Kagame (hagati), ibumoso habanje umwungirije Bazivamo Christophe, iburyo ni Ngarambe Francois, Umunyamabanga Mukuru w'Umuryango FPR-Inkotanyi, bari mu nama Nkuru ya Biro Politiki y’Umuryango FPR-Inkotanyi

Turinde ibyiza byagezweho tubyubakireho ibindi – Kagame

Yanditswe na TWAGIRA WILSON  

Ku ya 23-12-2018 saa 09:25:38

Umuyobozi Mukuru w’Umuryango FPR-Inkotanyi akaba n’Umukuru w’Igihugu, Paul Kagame, yasabye abayobozi guharanira kurinda ibyiza byagezweho,  no kongera imbaraga ahashobora kuba haragaragaye imbaraga nke.

Umuyobozi Mukuru w’Umuryango FPR-Inkotanyi akaba n’Umukuru w’Igihugu Paul Kagame (hagati), ibumoso habanje umwungirije Bazivamo Christophe, iburyo ni Ngarambe Francois, Umunyamabanga Mukuru w’Umuryango FPR-Inkotanyi, bari mu nama Nkuru ya Biro Politiki y’Umuryango FPR-Inkotanyi

Ibyo  yabitangarije ku kicaro gikuru cy’Umuryango FPR,  kuwa Gatandatu tariki 22 Ukuboza 2018 aho yari ayoboye Inama ya Biro Politiki yahuje abanyamuryango bagera ku 2500.

Kagame yagize ati “Iyo umaze kugera ku byiza, ntiwifuza ko birekera aho. Wifuza ko byaramba kandi ukabyubakiraho ibindi. Umuntu ahora yibaza ngo ibyiza twakoze ni iki twakora ngo birambe?”

Mu gutangiza iyo nama ya Biro Politiki, Kagame yibukije byinshi bimaze kugerwaho: mu bukungu, imibireho myiza y’abaturage, umutekano, ubumwe n’ubwiyunge n’imibanire y’u Rwanda n’amahanga

Yibukije ko hari inshingano bafite ku bo bayobora baba bakwiye kuzuza. Ati “Ntibihagije kuza hano tukaganira kuri politiki, uburezi, ubuzima n’izindi nkingi z’iterambere. Dushobora kuvuga ibitagenda ariko umuzi wa byose ni imiyoborere. Twese twumva neza ibikenewe, tuzi ibyo abo tuyobora badutegerejeho, ariko se iyo bigeze mu kubishyira mu bikorwa bigenda bite, bipfira he? Ese mureba igipimo ubuzima bw’umuturage buzamukaho? Ni gute twagera ku musaruro twifuza?”

Yongeyeho ko bidahagije kwiyemeza ahubwo biba ari ingenzi kubishyira mu bikorwa. Ati “Mwiyemeje gushyira mu bikorwa ibyo tuganira? Mwiteguye ko imvugo iba ingiro? Ushobora kwishimira ko ufite imishinga, wateguye ibikorwa byiza ariko uko ubishyira mu bikorwa ni cyo k’ingenzi.”

Kagame kandi yibukije ko iterambere ryigaragaza atari amagambo gusa. Ati “Imibare yerekana uko utera imbere irakugaragaza kandi yo ntibeshya. Niba hari ibyo utashoboye kugeraho ugomba kwitegura kudusobanurira.”

Yakomeje yibutsa abari mu nama ko ari ngombwa gukomeza gutera intambwe. Ati “Nta bwo bikwiye ko dutera intambwe imwe ijya imbere ngo dutere nyinshi dusubira inyuma. Ntibikwiye. Ibi bikwiye guhinduka tugakosora aho bitagenda neza.”

Abanyamuryango ba FPR-Inkotanyi bitabiriye inama Nkuru ya Biro Politiki y’uyu muryango ari benshi, baturutse hirya no hino

Ku kibazo cy’umutekano n’imibanire n’ibindi bihugu by’amahanga aya hafi n’aya kure ndetse no mu karere, Chairman wa FPR-Inkotanyi yavuze ko muri uyu mwaka wa 2018 ugana ku musozo, umusaruro mu nzego zitandukanye wabaye mwiza uretse abantu baba bashaka kuvangira u Rwanda bitewe n’amateka rwanyuzemo, uretse ko ari bo bake.

Yagize ati “Dufite abaturanyi babiri batatwifuriza ibyiza n’abandi babiri tudafitanye ibibazo. Tuzakomeza kugerageza uko byakemuka. Tuzihatira kugira umubano mwiza n’abandi ariko ntibinakuraho no kwitegura niba ibyo kubana neza twifuza binaniranye.”

Mu biganiro bitanu byatanzwe harimo icyatanzwe na Minisitiri w’Imari  n’Igenamigambi  wagarutse ku nkingi z’Iterambere  zigana ku kerekezo 2050.

TANGA IGITEKEREZO

One Comment on “Turinde ibyiza byagezweho tubyubakireho ibindi – Kagame”

Leave a Reply to NIYONAGIZE JRAN DAMASCENE Cancel reply

Your email address will not be published. Required fields are marked *