21°C , Partly cloudy | Kigali-Rwanda
Rukundo Shaffy ukina yitwa Yussuf azagaragara muri firimi Umwanzuro

Filimi Umwanzuro imaze imyaka 3 ikinwa igiye gusohoka

Yanditswe na Iyaremye Yves

Ku ya 05-12-2018 saa 08:47:52

Filimi y’uruhererekane Umwanzuro yakiniwe mu bice bitandukanye by’Igihugu igiye gusohoka nyuma y’imyaka 3 ikorwa.

Biteganyijwe ko irangira mu Kuboza 2018.

Umukinnyi wa Filimi, umushoramari akaba n’umuyobozi wa firimi nyarwanda Rukundo Arnold bakunze kwita Shaffy wamenyekanye cyane muri firimi zitandukanye z’inyarwanda ari na we watangiye uyu mushinga mu Karere ka Huye mu myaka 3 ishize, yemeza ko kuri ubu firimi yarangiye kandi biteguye kuyinyuza kuri televiziyo kandi ngo bizeye ko izakundwa.

Rukundo Shaffy ukina yitwa Yussuf azagaragara muri firimi Umwanzuro

Rukundo aganira n’Imvaho Nshya yavuze ko bitari bimenyerewe ko filimi imara imyaka igera kuri 3 ikinwa ariko kubera ibyo bifuza kwereka Abanyarwanda bahisemo kuyifatira umwanya uhagije.

Nshimyumukiza Onesme waje guhabwa akazi ko kuyobora iriya filimi kugeza ubu, avuga ko iyi filimi ije isanga izindi zisanzwe ku isoko kandi ngo yizeye ko izabazamura.

Ati: “Twari dusanzwe tubyumva mu bihugu byateye imbere ko abantu bashobora gukora filimi igihe kirekire nta bindi bakora natwe twarabitangiye kandi ndizeza abakunzi bacu ko firimi izabashimisha”.

Rukundo Arnold ni umwe mu bakinnyi bamaze kubaka izina muri sinema nyarwanda aho amaze gukina firimi nyinshi zitandukanye ndetse akaba amaze no kwegukana ibihembo bitandukanye nk’umukinnyi mwiza.

TANGA IGITEKEREZO

Leave a Reply

Your email address will not be published. Required fields are marked *