22°C , Partly cloudy | Kigali-Rwanda
Ikipe ya St Joseph yegukanye igikombe muri Volleyball mu kiciro cy'abahungu

FEASSSA 2018:  Amakipe azaserukira u Rwanda agiye gutegurwa by’umwihariko

Yanditswe na BUGINGO FIDELE

Ku ya 04-07-2018 saa 11:04:43

Tariki ya 01 Nyakanga 2018 ni bwo hasojwe imikino  ya nyuma ihuza amashuri “Amashuri Kagame Cup 2018” muri Volleyball, Basketball, Handball, Netball, Rugby ndetse n’umupira w’amaguru.

Ikipe ya St Joseph yegukanye igikombe muri Volleyball mu kiciro cy’abahungu

Iyi mikino yabereye mu Karere ka Muhanga, muri Volleyball mu bahungu, St Joseph yegukanye igikombe itsinze Don Bosco amaseti 3-2 naho mu guhatanira umwanya wa 3, Petit Seminaire Karubanda itsinda Christ Roi amaseti 3-2. Mu bakobwa, Indangaburezi yatsinze St Aloys amaseti 3-0 naho IPRC Kigali itsinda St Joseph amaseti 3-1.

Muri Basketball, mu bahungu, APE Rugunga yatsinze LDK amanota 57 kuri 48 naho ku mwanya wa 3, Marie Reine itsinda ETENI  amanota 83 kuri 70. Mu bakobwa, LDK yatsinze St Bernadette amanota 63 kuri 29, ku mwanya wa 3 ADEGI itsinda ENDP Karubanda  amanota 56 kuri 45.

Ikipe ya LDK mu bakobwa ishyikirizwa igikombe

Muri Handball, mu bakobwa, ES Kirambo yatsinze APEGA ibitego 25 kuri 22 naho ku mwanya wa 3, ES Gikonko itsinda ES Kabarondo ibitego 20 kuri 17. Mu bahungu, igikombe cyatwawe na  ADEGI itsinze St Aloys ibitego 35  kuri 28 naho  ku mwanya wa 3, College de Gisenyi itsinda ES Kigoma ibitego 25 kuri 21.

ADEGI muri Handball mu kiciro cy’abahungu ni yo yegukanye igikombe

Mu mukino wa Netball ukinwa n’abakobwa gusa, GS Gahini yegukanye igikombe itsinze St Aloys amanota 39 kuri 30 naho ku mwanya wa 3, ES Save itsinda ES Nyamirama ibitego 23 kuri 15.

Muri Rugby, mu bahungu, ASPEKA  yatsinze JAM ibitego 10 kuri 7 naho ku mwanya wa 3, LDK itsinda APARUDE ibitego 7 kuri 5.

Ikipe ya ASPEKA ishyikirizwa igikombe muri Rugby

Mu mupira w’amaguru, mu bahungu, igikombe cyatwawe na CIP (Muhanga) itsinze  LDK kuri penaliti 4-3 nyuma yo kunganya igitego 1-1 naho umwanya wa 3 utwarwa na College Karambi itsinze St Patrick ibitego 3-2. Mu bakobwa, GS Remera Rukoma yegukanye igikombe itsinze GS Shwemu igitego 1-0 naho ku mwanya wa 3, GS Nyange  itsinda GS Kabusunzu  igitego 1-0.

Kapiteni w’ikipe ya CIP ashyikirizwa igikombe

Visi Perezida w’ishyirahamwe ry’imikino yo mu mashuri “FSS”,  Furere Rudasingwa Camille yatangaje ko iyi mikino yagenze neza ko amakipe yagaragaje urwego rwo hejuru. Akomeza avuga ko uku kwitwara neza bizatuma amakipe azaserukira u Rwanda mu mikino ihuza amashuri yisumbuye yo mu karere k’Afurika y’Iburasirazuba “FEASSSA 2018” azitwara neza.

Visi Perezida w’ishyirahamwe ry’imikino yo mu mashuri “FSS”, Furere Rudasingwa Camille

Iyi mikino ya FEASSSA 2018 izabera mu Karere ka Musanze kuva tariki  10 kugeza 24  Kanama 2018. Furere Rudasingwa Camille avuga ko imyiteguro irimo kugenda neza ndetse ko abanyeshuri nibasoza ibizamini bagomba kujya i Musanze bakitorezayo nk’iminsi 10  mbere y’irushanwa.

Muri iyi mikino hazanaba bwa mbere imikino ihuza amashuri abanza aho bazakina mu mupira w’amaguru, Volleyball na Netball.

 

TANGA IGITEKEREZO

Leave a Reply

Be the First to Comment!

avatar