23°C , Mostly cloudy | Kigali-Rwanda
Diamond Platnumz n'umukunzi we mushya Tanasha Donna wo muri Kenya

Diamond mu rukundo rushya nyuma yo ‘guterwa akadobo’ na Zari

Yanditswe na Ndamyirokoye François

Ku ya 28-11-2018 saa 06:56:50

Umuhanzi Abdul Naseeb uzwi nka Diamond Platnumz akaba arimo kuvugwaho gukundana n’umukobwa w’umunyamakuru.

Uwo mukobwa, urubuga rwo muri Tanzania rwa Bongo5 ruvuga ko yitwa Tanasha Donna akaba akomoka muri Kenya akaba akorera Radiyo yitwa NRG.

Mu minsi yatambutse Diamond ubwo yajyaga mu gitaramo cya wastafi Festival mu Ntara ya Mtwara mu Majyepfo ya Tanzania yatangaje ko afite umukunzi mushya ariko yirinda gutangaza amazina ye.

Iwabo muri Kenya, Tanasha ngo bamuzi nka Zahara Zaire. Se ngo ni Umutaliyani naho nyina ni Umunya-Kenyakazi.

Donna muri iyi minsi ukundana na Diamond

Icyamamare Diamond ubusanzwe uvugwaho gukundana n’abakobwa benshi yakundanye na Wema Sepetu, Zari Hassan babyaranye abana 2, Hamissa Mobetto na we babyarana umwana umwe gusa byagiye binavugwa ko Diamond yaba akundana na Shaddy Boo, Umunyarwandakazi uzwi cyane ku mbuga nkoranyambaga.

Twabibutsa ko Zari wabyaranye na Diamond abana babiri, yatangaje ko ibye na we birangiye kuwa 14 Gashyantare uyu mwaka abinyujije kuri Instagram, aho yasobanuye ko amuhoye ubushurashuzi.

Umuhanzi Diamond Platnumz azwi ku ndirimbo zirimo iyitwa «Jibebe», «Kesho» kandi afite n’izindi.

TANGA IGITEKEREZO

Leave a Reply

Your email address will not be published. Required fields are marked *