17°C , Partly cloudy with thunderstorms | Kigali-Rwanda
Daniel Sturridge wifuza kuva mu ikipe ya Liverpool

Daniel Sturridge ashobora kuva muri Liverpool

Yanditswe na admin

Ku ya 21-11-2017 saa 14:10:38

Rutahizamu wa Liverpool n’ikipe y’igihugu y’u Bwongereza “Three Lions”, biravugwa ko ashobora kuva muri iyi kipe nyuma y’uko ananiriwe kubona umwanya uhagije wo gukina.

Ikinyamakuru cyandikirwa mu Bwongereza “Dailymail”, kiravuga ko Daniel Sturridge yiteguye gukoresha imbaraga zose agasaba Liverpool ngo ibe yazamurekura ubwo isoko ry’igura n’igurisha ry’abakinnyi rizaba rifunguye muri Mutarama 2018.

Daniel Sturridge wifuza kuva mu ikipe ya Liverpool

Uyu mwongereza akaba ari gukora ibi kugira ngo bibe byamuhesha amahirwe yo kuzahamagarwa mu ikipe y’u Bwongereza izitabira imikino y’igikombe k’isi cya 2018  izabera mu Burusiya kuva tariki 14 Kamena kugeza 15 Nyakanga 2017.

Sturridge ukunze kwinjira mu kibuga asimbuye kuva atozwa na Jurgen Klopp, muri uyu mwaka w’imikino wa 2017-2018 amaze gukinira Liverpool imikino 12 abasha gutsinda ibitego 3.

Uyu mukinnyi watangiye gukinira ikipe y’igihugu y’u Bwongereza y’abatarengeje imyaka 16, ahamagarwa mu ikipe nkuru kuva mu 2011 amaze kuyikinira imikino 26 ayitsindira  ibitego 8.

Daniel Sturridge yanyuze mu makipe akomeye muri shampiyona y’u Bwongereza arimo ikipe ya Aston Villa, Manchester City na Chelsea ari naho yavuyemo  yerekeza muri Liverpool amaze gutsinda  ibitego 63 mu mikino 131 yayikiniye kuva mu 2010.

NKOMEJE GUILLAUME

 

 

 

 

 

 

 

TANGA IGITEKEREZO

Leave a Reply

Be the First to Comment!

avatar