Cricket : Abatoranyijwe nyuma y’irushanwa  ry’abatarengeje imyaka 15 bagiye gukoreshwa imyitozo yihariye

Yanditswe na BUGINGO FIDELE

Ku ya 02-12-2019 saa 12:20:11
Abana 20 batoranyijwe mu kiciro cy'abahungu

Nyuma y’irushanwa  ry’abatarengeje imyaka 15 mu bakobwa n’abahungu ryateguwe “U-15 Cricket Tournament 2019”  n’ishyirahamwe  ry’umukino wa Cricket mu Rwanda “RCA”, abana 40 batoranyijwe  bagiye  guhabwa imyitozo yihariye.

Iri rushanwa ryabaye kuva tariki 25 kugeza 29 Ugushyingo 2019 ryahuje amakipe 6 mu bakobwa ndetse n’amakipe 7 mu bahungu. Mu bakobwa  ikipe ya Sorwathe Falcons ni yo yegukanye igikombe mu gihe mu bahungu ikipe ya Huye ari  yo yegukanye umwanya wa mbere.

Nyuma rero y’iri rushanwa,  itsinda ry’abatoza batandukanye basanzwe bakurikirana abakiri bato batoranyije abana 20 muri buri kiciro bagaragaje impano  kugira ngo bahabwe imyitozo yisumbuyeho   mu buryo bwo kubategura kuzakinira ikipe y’igihugu mu byiciro bitandukanye birimo icy’abatarengeje imyaka 17, 19 n’ibindi  byiciro bitandukanye.

Aba bana bazatangira imyitozo tariki  06 kugeza 08 Ukuboza 2019, imyitozo izabera muri IPRC Kicukiro izaba iyobowe n’umutoza mukuru w’ikipe y’igihugu akaba n’umuyobozi wa Tekinike mu ishyirahamwe ry’umukino wa Cricket mu Rwanda « RCA », Martin Suji.

Umuyobozi ushinzwe ibikorwa muri RCA, Byiringiro Emmanuel yatangarije Imvaho Nshya ko  aba bana batoranyijwe  bagiye guhabwa imyitozo yisumbuyeho kuko mu minsi iri imbere ari bo bazaba bakinira ikipe y’igihugu yaba mu batarengeje imyaka 17, 19 ndetse n’ibindi byiciro bitandukanye birimo n’ikipe y’igihugu nkuru.

Abana 40 batoranyijwe mu byiciro byombi

Abakinnyi batoranyijwe ni 20 mu bahungu n’abandi 20 mu bakobwa.

Abahungu: Irafasha Protogene, Manishimwe Jean Claude, Irakoze Ange Robert, Ashimwe Yvan, Zirahangaje François, Ntamuhoranya Chris, Niyonshuti Elie, Muvunyi Régis, Manirere Patrick, Ishimwe Joshua, Abimbabazi  Eloi Loïck, Gihozo  Elysée, Hakizimana Odelin, Irakoze Gad Josué, Gitangaza Samuel, Niyitegeka Jean Bosco, Niyonzima Onesme, Shimwa Prosper, Ishimwe Fabrice na Munguyiko Aimé Souvenir.

Abakobwa: Umuraza  Liliane, Niyomwungeri Anitha, Abijuru Divine, Itangishaka Celine, Nyirahabimana Esther, Muragijimana Cesarie, Uwase Jehouanis, Uwera Noella, Uwase Henriette, Ingabire Gerogette, Uwizeyimana Lilian, Uwihiriwe Isabelle, Uwamurera Noella, Tuyizere Alexia, Umubyeyi Daria, Uwinkindi Sandrine, Uwamahoro Anne, Musabyimana Sylivie, Muhawenimana Naomi na  Isimbi Henriette.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.