23°C , Partly sunny | Kigali-Rwanda

COVID-19: Imikino ya FEASSSA 2020 yimuriwe umwaka utaha wa 2021

Yanditswe na BUGINGO FIDELE

Ku ya 16-06-2020 saa 23:46:17
Bamwe mu bari baserukiye u Rwanda mu mikino ya FEASSSA umwaka ushize wa 2019

Kuva tariki 31 Nyakanga kugeza 09 Kanama 2020 mu mujyi wa Kakamega muri Kenya  hari hateganyijwe kubera  imikino ihuza amakipe y’ibigo by’amashuri yisumbuye yo muri Afurika y’Iburasirazuba “FEASSSA 2020” ariko kubera icyorezo cya Koronavirusi iyi mikino byatangajwe ko itakibaye ahubwo yimuriwe umwaka utaha wa 2021.

Mu Rwanda byari biteganyijwe ko mu mpera za Kamena 2020 ari bwo hari gusozwa imikino yo mu mashuri hakamenyekana amakipe agomba guhagararira igihugu.

Iyi mikino izanzwe iba buri mwaka, umwaka ushize wa 2019 yari yabereye Arusha  muri Tanzania kuva tariki 15 kugeza 24 Kanama 2020  aho u Rwanda rwari rwaserukiwe n’amakipe 16 mu mikino itandukanye rugatahana imidari 10.

Muri 2018 iyi mikino FEASSSA yari yabereye  mu Rwanda mu  karere ka Musanze kuva tariki 10  kugeza 24 Kanama 2018, u Rwanda rwaje ku mwanya wa 3 n’imidari 25, inyuma ya Kenya yabaye iya kabiri (28) ndetse na Uganda yabaye iya mbere n’imidari 30.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.