21°C , Partly cloudy | Kigali-Rwanda
Umuhanzi Christopher

Christopher yavuze ineza Nizzo yamugiriye

Yanditswe na Ndamyirokoye François

Ku ya 04-11-2018 saa 18:05:54

Muneza Christopher wamenyekanye mu muziki nyarwanda nka Christopher yatangaje uburyo Nizzo yamugiriye neza amugurira imyenda yo kugira ngo yitabire iborori bya Salax Awards.

Icyo gihe Christopher avuga ko Nizzo yamuhamagaye ngo bage muri ibyo birori, Christopher amubwira ko nta myenda afite yo kwitabira ibirori nk’ibyo, Nizzo afata imodoka ajya kumureba ajya kumugurira imyenda hanyuma bajya muri ibyo birori.

Umuhanzi Nizzo Kaboss wo mu Itsnda rya Urban Boys

Ku rundi ruhande kandi ngo mbere yumvaga ibirori bya Salax hari abandi bigenewe.

Abandi ashimira bamufashije mu iterambere ry’ umuziki we harimo Mani Martin ngo wagiye amuba hafi ubwo yabaga akora indirimbo ze, ashimira kandi n’abandi barimo KINA Music (Ishimwe Clement) ndetse na bamwe mu banyamakuru bamufashije mu kuzamura umuziki we.

Mu banyamakuru yashimiye harimo Patycope wamenyekanye mu gufasha abahanzi kuva hambere, David Bayingana, Ally Soudy n’abandi.

Umuhanzi Tom Close na we ngo ari mu bantu kandi bamufashije mu iterambere ry’ubuhanzi bwe.

Umuhanzi Christopher ubusanzwe azwi ku ndirimbo zirimo iyitwa “Your body”, “Byanze”, “Isezerano”, “Simusiga”, “Ndabyemeye”, kandi afite n’izindi.

TANGA IGITEKEREZO

Leave a Reply

Your email address will not be published. Required fields are marked *