CHAN 2020: Zambia na Guinea zabonye amanota atatu

Yanditswe na BUGINGO FIDELE

Ku ya 19-01-2021 saa 23:26:58
Abakinnyi ba Zambia bishimira intsinzi

Tariki 19-01-2021

Zambia 2-0 Tanzania

Guinea 3-0 Namibia

Taliki 20-01-2021

Cameroun-Mali (Yaoundé-18h00)

Burkina Faso-Zimbabwe (Yaoundé-21h00)

Kuri uyu wa  Kabiri taliki 19 Mutarama 2021 hakinwe imikino y’umunsi wa mbere mu itsinda D  maze ikipe ya Zambia na Guinea zitwara neza zitahana amanota atatu.

Ikipe ya Zambia yatsinze Tanzania ibitego 2-0 byatsinzwe na Sikombe  Collins kuri penaliti ku munota wa 64 na Chabula Emmanuel  ku munota wa 81. Mu wundi mukino, ikipe ya Guinea yatsinze Namibia ibitego 3-0  byatsinzwe na Yakhouba Gnagna Barry watsinze ibitego 2  ku munota wa 13 na 86 na Marlaye Sylla ku munota wa 45.

Muri iri tsinda imikino y’umunsi wa kabiri izaba taliki 23 Mutarama 2021 aho Zambia izakina na Guinea naho Namibia ikine na Tanzania. Iri tsinda ririmo gukinira kuri Sitade Limbe mu mujyi wa Limbe.

Abakinnyi ba Guinea mu byishimo nyuma yo gutsinda Namibia

 Mu itsinda A hateganyijwe imikino y’umunsi wa kabiri

Kuri  uyu wa Gatatu taliki 20 Mutarama 2021, imikino ya CHAN 202 irakomeza aho mu itsinda A  hateganyijwe imikino y’umunsi wa kabiri.

Ikipe y’igihugu ya Cameroun yakiriye irushanwa igomba gukina na Mali. Izi kipe zikaba zaritwaye neza mu mukino ufungura kuko Cameroun yatsinze Zimbabwe igitego 1-0 naho Mali itsinda Burkina Faso igitego 1-0.

Undi mukino urahuza ikipe ya Burkina Faso na Zimbabwe zombi zatsinzwe mu mukino wa mbere.  Iyi mikino yombi irabera kuri Stade Ahmadou Ahidjo mu mujyi wa Yaoundé.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.