CHAN 2020: Ikipe ya RDC  yatsinze umukino wa mbere

Yanditswe na BUGINGO FIDELE

Ku ya 17-01-2021 saa 22:00:59
Chico Ushindi wa Kubanza wahesheje RDC amanota 3

Taliki 17-01-2021

Libya 0-0 Niger

RDC 1-0 Congo Brazzaville

Irushanwa ry’Afurika  ry’amakipe y’ibihugu ariko ku bakinnyi bakina imbere mu gihugu “CHAN 2020”  rirakomeje  aho kuri iki Cyumweru taliki 17 Mutarama 2021 habaye imikino ibiri yo mu itsinda B.

Ikipe ya RDC ifite iki gikombe inshuro 2 (2009 na 2016) yitwaye neza itsinda umukino wa mbere. Iyi kipe yatsinze Congo Brazzaville igitego 1-0 cyatsinzwe na Chico Ushindi wa Kubanza  ku munota wa 47. Undi mukino muri iri tsinda B, ikipe ya Libya yegukanye iki gikombe muri 2014 yanganyije na Niger 0-0. Iyi mikino yombi  yabereye   kuri Sitade Japoma mu mujyi wa Douala.

Muri iri tsinda B, imikino y’umunsi wa kabiri  izaba taliki 21 Mutarama 2021 aho Libya izakina na RDC mu gihe Congo Brazzaville izakina na Niger.

Libya na Niger zanganyije 0-0

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.