30°C , Partly sunny | Kigali-Rwanda

CHAN 2020: Hatangajwe igihe irushanwa rizabera

Yanditswe na BUGINGO FIDELE

Ku ya 10-09-2020 saa 19:59:54
Ikipe y'u Rwanda izaba iri mu itsinda C hamwe na Uganda, Maroc na Togo

Muri Mata 2020 mu gihugu cya  Cameroun hagombaga kubera imikino ya nyuma y’Afurika y’ibihugu mu bakinnyi bakina imbere mu gihugu “CHAN 2020”. Impuzamashyirahamwe y’umupira w’amaguru muri Afurika “CAF”, tariki 17 Werurwe 2020 yafashe umwanzuro wo kwimura  iri rushanwa kubera icyorezo cya COVID-19.

Tariki 10 Nzeri 2020 ni bwo byatangajwe ko iri rushanwa rizaba umwaka  utaha wa 2021 aho rizatangira tariki 16 Mutarama risozwe tariki 07 Gashyantare 2021.

Mu mpera za 2019 ni bwo hamenyekanye amakipe 16 yabonye itike yo  kwitabira iri rushanwa ndetse akaba yaranashyizwe mu matsinda 4. Itsinda A ririmo Cameroon izakira irushanwa , Mali, Zimbabwe na Burkina Faso. Itsinda B ririmo Libya, Niger, RDC na Congo Brazzaville. Itsinda C ririmo Maroc, Uganda, Togo n’u Rwanda naho itsinda D rikabamo Zambia, Guinea, Namibia naTanzania.

Iri rushanwa riheruka  muri 2018, ikipe y’igihugu ya Maroc ni yo yegukanye igikombe. Kuva muri 2009 iri rushanwa ryatangira gukinwa bwa mbere  ni inshuro ya 6 rigiye kuba, inshuro 5 ziheruka, ikipe y’igihugu ya RDC ni yo yegukanye iki gikombe inshuro nyinshi  (2) muri 2009 na 2016 mu gihe Tunizia yegukanye igikombe muri 2011, Libya (2014) na Maroc (2018).

Muri rusange iri rushanwa rikaba ryarashyizweho mu rwego rwo gufasha abakinnyi bakina imbere mu gihugu kwigaragaza.

Umwanditsi:

BUGINGO FIDELE

One Comment on “CHAN 2020: Hatangajwe igihe irushanwa rizabera”

  1. Turifuriza ikipe y’u Rwanda gutsinda ikegukana iki gikombe kigataha mu Rwatubyaye umutoza w’Amavubi amenye ko afite akazi kuko Abanyarwanda tumuhanze amaso Africa n’Isi yose muri rusange iki nicyo gihe n’atangire ategure ikipe neza tumwifurije amahirwe masa murakoze

Tanga Igitekerezo

Email yanyu ntigaragazwa ku rubuga. Amazina na Email ni ngombwa.