CHAN 2020: Cameroun na Mali zatangiye neza zitsinda

Yanditswe na BUGINGO FIDELE

Ku ya 16-01-2021 saa 22:10:04
Banga Charles Salomon watsinze igitego cya mbere muri CHAN 2020

Taliki 16-01-2021

Cameroun 1-0 Zimbabwe

Mali 1-0 Burkina Faso

Taliki 17-01-2021

Libya-Niger (Douala-18h00)

RDC-Congo Brazza (Douala-21h00)

Kuri uyu wa Gatandatu taliki 16 Mutarama 2021 ni bwo  hatangiye irushanwa ry’Afurika ry’amakipe y’ibihugu ariko ku bakinnyi bakina imbere mu gihugu “CHAN 2020”.

Iri rushanwa ririmo kubera muri Cameroun ryagombaga kuba umwaka ushize wa 2020 ariko kubera COVID-19 ryimurirwa uyu mwaka wa 2021.

Ku munsi wa mbere w’iri rushanwa habaye imikino ibiri yo mu itsinda A  yabereye kuri Sitade Ahmadou Ahidjo  i Yaoundé mu murwa mukuru wa Cameroun. Ikipe ya Cameroun yitwaye neza  itsinda Zimbabwe igitego 1-0 cyatsinzwe na  Banga Charles Salomon ku munota wa 72 naho ikipe ya Mali itsinda Burkina Faso igitego 1-0 cyatsinzwe na Bakayoko Siaka  ku munota wa 70.

Imikino izakomeza ku munsi w’ejo taliki 17 Mutarama 2021 aho mu itsinda B ikipe ya  Libya yegukanye iki gikombe muri 2014 izakina na Niger naho ikipe ya RDC ifite iki gikombe inshuro 2 (2009 na 2016) ikine na Congo Brazzaville. Iyi mikino yombi izabera kuri Sitade Japoma mu mujyi wa Douala.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.