26°C , Partly sunny | Kigali-Rwanda
Ikipe y'u Rwanda iratangira ikina na Nigeria muri CHAN 2018

CHAN 2018: Amavubi aratangira akina na Nigeria

Yanditswe na BUGINGO FIDELE

Ku ya 15-01-2018 saa 08:30:53

Uyu munsi

Libye-Guinée équatoriale (Tanger-18h30)

Nigeria-Rwanda (Tanger -21h30)

Kuva tariki 13 Mutarama 2018 muri Maroc hatangiye imikino ya nyuma ya CHAN 2018, aho ikipe ya Maroc yatangiye neza itsinda Mauritania ibitego 4-0. Uyu munsi tariki 15 Mutarama 2018 ni bwo  hatangira imikino yo mu itsinda C  aho  ikipe ya Libiya ikina na  Guinée équatoriale  naho Nigeria igakina n’ikipe y’igihugu y’u Rwanda.

Ikipe y’u Rwanda iratangira ikina na Nigeria muri CHAN 2018

Iyi mikino irabera   kuri Sitade  Ibn Batouta mu  mujyi wa Tanger aho iri tsinda C rizakinira.

Duhereye ku mukino uribubanze, ikipe ya Libiya  ifite amateka muri iri rushanwa kuko  ni yo kipe yitabiriye CHAN 2018 ifite iki gikombe dore ko mu nshuro 4 kimaze gukinirwa, RDC yagitwaye inshuro 2 (2009 na 2016) na Tuniziya inshuro 1 (2011) aya makipe akaba atarabonye itike mu gihe Libiya yagitwaye muri 2014.

Iyi kipe ya Guinée équatoriale   ni ubwa mbere igiye kwitabira iyi mikino ya CHAN.  Uyu mukino uhuza aya amakipe uraba saa kumi n’igice muri Maroc (16h30) akaba ari saa kumi n’ebyiri n’igice mu Rwanda (18h30).

Ikipe y’u Rwanda irakina na Nigeria

Ubwo iyi mikino iheruka yabereye mu Rwanda muri 2016, ikipe y’u Rwanda yitwaye neza itsinda umukino wa mbere aho yatsinze  Cote d’Ivoire igitego 1-0, ibi byaje no guha imbaraga iyi kipe yitwara neza igera muri ¼ gusa isezererwa na RDC yanatwaye iki  gikombe.

Kugira ngo ikipe y’u Rwanda itange ikizere cyo kuba yazasohoka mu matsinda irasabwa kwitara neza igatsinda uyu mukino wa mbere na Nigeria uza kuba saa moya n’igice muri Maroc (19h30) akaba ari saa tatu n’igice mu Rwanda (21h30).

Aya makipe yombi agiye guhura, ni ubwa mbere agiye guhura muri CHAN  ariko si ubwa mbere yitabiriye kuko yose  iyi ari  inshuro  ya 3. Ikipe y’u Rwanda yitabiriye CHAN 2011 na 2016   naho Nigeria yitabira CHAN 2014 na 2016. Ikipe y’u Rwanda kure yageze ni muri ¼ muri 2016 naho Nigeria muri 2014 yitabira bwa mbere yageze muri ½ inatahana umwanya wa 4 gusa muri  CHAN 2016 ari nayo iheruka Nigeria yaviriyemo mu majonjora.

Nyuma y’iyi mikino   y’umunsi wa  mbere yo mu itsinda C,   imikino y’umunsi wa 2 izaba  tariki 19 Mutarama 2018 aho  Libiya izakina na Nigeria naho ikipe y’u Rwanda “Amavubi” ikine na Guinée équatoriale.

TANGA IGITEKEREZO

Leave a Reply

Your email address will not be published. Required fields are marked *