20°C , Partly sunny | Kigali-Rwanda
Bizimana Djihad wabaye umukinnyi witwaye neza mu mukino w'u Rwanda na Nigeria

CHAN 2018: Amavubi arasabwa gutsinda umukino wa kabiri akizera kugera muri ¼

Yanditswe na BUGINGO FIDELE

Ku ya 17-01-2018 saa 07:28:13

Libye 3-0 Guinée Equatoriale

Nigeria 0- 0 Rwanda

Tariki 19-01-2018

Libye-Nigeria (Tanger -19h30)

Rwanda-Guinée équatoriale (Tanger -21h30)

Ikipe y’u Rwanda «Amavubi» yanganyije na Nigeria 0-0 mu mukino wa mbere w’imikino ya CHAN 2018  mu itsinda C.

Muri iri tsinda C, ikipe ya Libiya yegukanye CHAN 2014  yabonye amanota 3 nyuma yo gutsinda ikipe ya Guinée Equatoriale   ibitego 3-0.

Bizimana Djihad wabaye umukinnyi witwaye neza mu mukino w’u Rwanda na Nigeria

Ikipe y’u Rwanda nyuma yo kubona inota rimwe irasabwa kwitwara neza ikabona amanota 3 mu mukino w’umunsi wa kabiri mu itsinda kugira ngo yizere kuba yagera muri ½ k’irangiza.

Umukino wa kabiri mu itsinda C, ikipe y’u Rwanda izakina na Guinée Equatoriale. Uyu mukino  ikipe y’u Rwanda iramutse yitwaye neza ikawutsinda yahita igira amanota 4.  Mbere y’uyu mukino ariko ikipe ya Libiya yo yamaze kubona amanota 3 izakina na Nigeria nayo ifite inota rimwe.  Uyu mukino Libiya yitwaye neza igatsinda  Nigeria byaha amahirwe  Amavubi mu gihe yaba yatsinze umukino  wa Guinée Equatoriale.

Umutoza w’ikipe y’u Rwanda, Antoine Hey nyuma yo kubona inota rimwe kuri Nigeria yatangaje ko bifuza amanota 3 ariko n’inota rimwe babonye  ari byiza ko  bagomba kwitegura neza  umukino wa Guinée Equatoriale bakazawutsinda.

Muri uyu mukino wa mbere mu itsinda C, Bizimana Djihad usanzwe akina hagati mu kibuga akaba ari na kapiteni wungirije ni we watowe nk’umukinnyi witwaye neza kurusha abandi mu mukino.  Yavuze ko  byamushimishije  kuba yabaye umukinnyi witwaye neza kandi ko byatumye agira imbagara zo gukomeza gukora cyane no mu mikino isigaye. Yavuze ko kunganya na  Nigeria atari bibi kuko baje bashaka gutsinda ariko bikarangira banganyije.

Nyuma y’imikino y’umunsi wa 2, tariki 23 Mutarama 2018 ni bwo hazaba imikino ya nyuma muri iri tsinda aho ikipe  y’u Rwanda izakina na Libiya naho Nigeria ikine na Guinée Equatoriale.

TANGA IGITEKEREZO

Leave a Reply

1 Comment on "CHAN 2018: Amavubi arasabwa gutsinda umukino wa kabiri akizera kugera muri ¼"

avatar
Sort by:   newest | oldest | most voted
oliv
Guest

courage