21°C , Intermittent clouds | Kigali-Rwanda
Abakinnyi b'ikipe y'igihugu U-15 batoranyijwe mu irushanwa ryabaye rihuza amakipe yo mu gihugu hose

CECAFA U-15:  Ikipe y’u Rwanda mu itsinda  B hamwe na Uganda

Yanditswe na BUGINGO FIDELE

Ku ya 08-08-2019 saa 10:30:43

Tariki 17-08-2019

Rwanda-South Sudan (Asmara-16h30)

Tariki 20-08-2019
Ethiopia-Rwanda (Asmara-14h00)

Tariki 24-08-2019
Uganda-Rwanda (Asmara-14h00)

Ku nshuro ya mbere   ishyirahamwe ry’umupira w’amaguru  mu  karere k’Afurika y’Uburasirazuba “CECAFA”  ryateguye irushanwa ry’abari munsi y’imyaka 15 “CECAFA U-15 Challenge Cup 2019” rizabera muri Eritrea kuva tariki 16 Kanama kugeza 01 Nzeri 2019.

Iri rushanwa  bitaganyijwe ko rizitabirwa n’ibihugu 11 aho byashyizwe mu matsinda 3. Itsinda A ririmo Eritrea, Kenya, Burundi na Somalia. Itsinda B ririmo Uganda, Rwanda, Ethiopia, na South Sudan naho itsinda C rikabamo Tanzania, Sudan na Djibouti.

Nyuma y’imikino y’amajonjora, mu itsinda A na B hazazamuka amakipe 3 naho mu itsinda C hazamuke amakipe 2 ya mbere akomeze muri ¼ k’irangiza.

Imikino ya ¼ izaba tariki 27 na 28 Kanama 2019, imikino ya ½ izaba tariki 30 Kanama 2019 naho umukino wa nyuma  uzabe tariki 01 Nzeri 2019.

Ikipe y’u Rwanda iri mu itsinda B izatangira ikina na South Sudan tariki 17 Kanama 2019. Iyi kipe y’u Rwanda izakina umukino wa kabiri tariki 20 Kanama 2019 na  Ethiopia  naho iyi kipe y’u Rwanda isoze imikino yo mu matsinda ikina na Uganda tariki 24 Kanama 2019.

Iri rushanwa  ryemejwe tariki 28 Gicurasi 2019 n’ubuyobozi bwa CECAFA  mu nama yabereye Asmara muri  Eritrea. Muri 2010 kandi muri iki gihugu ni ho habereye  CECAFA U-20. Iri rushanwa ry’abatarengeje imyaka 15 rigiye kuba irya mbere muri Afurika rizaterwa inkunga na FIFA mu mushinga wayo “FIFA Forward Programme”.

CECAFA U-15 ni irushanwa rizafasha  ibihugu kwitegura imikino yo gushaka itike y’imikino  y’Afurika  y’abatarengeje imyaka 17 “CAN U-17” izaba umwaka utaha wa 2020.

Ikipe y’u Rwanda ikaba yaratoranyijwe nyuma y’amarushanwa muri iki kiciro yabaye kuva muri Kamena 2019 aho yasojwe tariki 01 Kanama 2019. Mu gusoza ikipe y’abatarengeje imyaka 15 yatoranyijwe yegukanye igikombe itsinze abatoranyijwe mu gice cy’Uburasirazuba ibitego 2-1.

Abakinnyi 25 bahamagawe ngo batangire imyitozo

Kuri uyu wa Kane tariki 08 Kanama 2019, ikipe y’igihugu iratangira imyitozo aho baza gukora kabiri ku munsi, imyitozo irabera kuri Sitade Amahoro naho nyuma ya saa sita imyitozo ibere kuri Sitade Shyorongi.

Abanyezamu: Niyoneze David, Byiringiro James, Niyonsaba Ange Elie, Cyimana Asifiwe na Nshimiyimana Christian.

Myugariro:  Kagimbura Byiringiro Benonie, Shema Kusayi Diabi, Fumbira Charles,  Izabayo Fidele, Ishimwe Moise, Imena Hirwa Arnold, Mbonyamahoro Selieux  na Niyonkuru Fiston.

Hagati: Hoziana Keneddy, Mwizerwa Eric, Byiringiro Asante Sana, Niyo David, Iradukunda Prince, Sibomana Sultan Bobo, Nshimiyimana Celestin, Ntwali Abil, Iradukunda Siladji, Irakoze Jean Paul, Gisubizo Kelly, Bimenyimana Olivier  na Uwiduhaye Alain Romeo.

Rutahizamu: Kagabo John, Shingiro Honore, Uwizeyimana Celestin, Ishimwe Moise, Mugisha Endrick Kenny  na  Irahamwe Eric.

Umutoza mukuru ni  Rwasamanzi Yves  wungirijwe na Gatera Musa  naho Kabalisa Calliope akaba ari umutoza w’abanyezamu.

Abakinnyi b’ikipe y’igihugu U-15 batoranyijwe mu irushanwa ryabaye rihuza amakipe yo mu gihugu hose

TANGA IGITEKEREZO

Leave a Reply

Your email address will not be published. Required fields are marked *