21°C , Partly sunny | Kigali-Rwanda
Siboniyo Felix, umuyobozi w'ishami rishinzwe imishinga muri RDB (Foto Kayitare J.P)

Carnage Mellon University Africa imaze gutwara miliyoni 10 z’amadolari

Yanditswe na KAYITARE JEAN PAUL

Ku ya 12-10-2018 saa 12:09:22

Imirimo yo kubaka aho Ishuri Carnage Mellon University Africa imaze gutwara amadolari miliyoni 10.

Ikigo cy’Igihugu rw’iterambere (RDB) uyu munsi cyeretse itangazamakuru aho imirimo yo kubaka iri shuri  igeze.

Ni ishuri mpuzamahanga rifite ibyumba icyenda byo kwigiramo, rikaba riri kubakwa i Masoro mu Karere ka Gasabo.

Rimaze imyaka itatu ryubakwa, 70% y’ibyakoreshejwe mu kuryubaka ari ibyakorewe mu Rwanda nk’uko bitangazwa na RDB.

Siboniyo Felix uyobora ishami rishinzwe imishinga muri RDB avuga ko biri mu rwego rwo guteza imbere ibikorerwa mu Rwanda.

Siboniyo yibutsa ko  iri shuri ryatangiye mu Rwanda mu mwaka wa 2011 rikorera Kacyiru mu nyubako za Telecom House, ariko hakaza gutekerezwa ko ryagira inyubako yaryo.

Siboniyo Felix, umuyobozi w’ishami rishinzwe imishinga muri RDB (Foto Kayitare J.P)

Abanyeshuri 60% baryigamo ni abanyamahanga, bakaba bariha amafaranga y’ishuri angana n’amadolari ibihumbi 48 ku mwaka mu gihe umunyarwanda yishyura amadolari ibihumbi 16.

Inyubako ya Carnage Mellon University Africa ifite ubushobozi bwo kwakira abanyeshuri 500.

Iri shuri ryigisha amasomo y’icyiciro cya gatatu cya kaminuza, biteganyijwe ko rizatangira kwigirwamo muri Mutarama 2019.

 

TANGA IGITEKEREZO

Leave a Reply

Your email address will not be published. Required fields are marked *