21°C , Partly cloudy | Kigali-Rwanda
Umutoza w'Amavubi U-23 usaba Abanyarwanda kuzaza gushyigikira ikipe yabo

CAN U-23 : Umutoza w’Amavubi arasaba Abanyarwanda kuzashyigikira ikipe yabo

Yanditswe na Bizimana Eric

Ku ya 07-11-2018 saa 13:48:46

Tariki 14-11-2018
Rwanda-RDC (Rubavu)
Tariki 20-11-2018
RDC-Rwanda (Kinshasa)

Umutoza w’Amavubi y’abatarengeje imyaka 23, Mulisa Jimmy arasaba Abanyarwanda kuzaba ari benshi ku mukino uzahuza u Rwanda na RDC tariki 14 Ugushyingo 2018 kuri Stade Umuganda i Rubavu.

Ikipe y’u Rwanda irimo kwitegura umukino ubanza wo gushaka itike ya CAN U-23.

Abakinnyi bahamagawe barimo n’abakina hanze nyuma yo gukorera imyitozo muri Kigali ubu bari i Rubavu ahazabera umukino.

Mu bakinnyi bakina hanze bahamagawe barimo Samuel Gueulette ukina muri KAA Gent mu Bubiligi), Nsabimana Aimable ukinira Minerva Punjab FC mu Buhinde, Nshuti Innocent ukinira Stade Tunisien na Biramahire Abeddy ukinira CS Sfaxien zombi zo muri Tunizia.

Umutoza Jimmy Mulisa akaba yaramaze gutoranya abakinnyi 26 muri 30 bari bahamagawe ari na bo bagomba gukomereza imyitozo i Rubavu. Akomeza avuga ko abakinnyi bamwe bakiri mu makipe yabo ariko tariki 08 Ugushyingo 2018 ubwo hazaba batangiye imikino y’umunsi wa 5 wa shampiyona bazasanga bagenzi babo.

Umutoza w’Amavubi U-23 usaba Abanyarwanda kuzaza gushyigikira ikipe yabo

Uyu mutoza anavuga ko akomeje gutegura ikipe ye cyane mu mutwe. Ati «Maze iminsi ntegura abakinnyi mu mutwe igisigaye ni ukubereka muri tekinike uburyo tuzakina no kuzahagaragara.»

Mulisa aboneraho gusaba Abanyarwanda kuzaza gushyigikira ikipe yabo ari benshi ku buryo batazaba bake imbere y’abaturanyi bo muri RDC.

Umukino wo kwishyura uzabera i Kinshasa tariki 20 Ugushyingo 2018. Ikipe izakomeza hagati na Maroc mu ijonjora rya kabiri muri Werurwe 2019. Imikino ya CAN U-23 izabera mu Misiri tariki 8-22 Ugushyingo 2019, amakipe atatu ya mbere abone itike y’imikino Olempiki izabera mu Buyapani muri 2020.

Abakinnyi bakomeje imyiteguro

Abanyezamu: Cyuzuzo Gael (Gasogi United), Ntwali Fabrice (APR FC) na Nzeyurwanda Djihad (Kiyovu).

Myugariro: Rwabuhihi Aime Placide, Ahoyikuye Jean Paul (Kiyovu), Buregeya Prince (APR FC), Nkubana Marc (Gasogi United), Ishimwe Christian, Niyigena Clement (Marines FC), Mutsinzi Ange (Rayon Sports FC), Niyomugabo Claude, Nshimiyimana Marc (AS Kigali), Aimable Nsabimana (Minerva Punjab-India).

Hagati: Nduwayo Valeur (Musanze FC), Ishimwe Saleh (Kiyovu), Manishimwe Djabel, Muhire Kevin (Rayon Sports FC), Nshuti Savio Dominique, Itangishaka Blaise (APR FC), Mugisha Patrick, Nishimwe Blaise na Byukusenge Yakuba (Marines FC).

Rutahizamu: Nshuti Innocent (Stade Tunisien-Tunisia), Byiringiro Lague (APR FC), Samuel Gueulette, (KAA Gent-Belgium) na Biramahire Abeddy (CS Sfaxien-Tunisia).

TANGA IGITEKEREZO

Leave a Reply

Your email address will not be published. Required fields are marked *