23°C , Mostly cloudy | Kigali-Rwanda
Ubwo Cote d'Ivoire yatsindaga u Rwanda ibitego 2-1 mu mukino ubanza

CAN 2019: Cote d’Ivoire na yo yatangaje abakinnyi izifashisha ku mukino w’Amavubi

Yanditswe na BUGINGO FIDELE

Ku ya 14-03-2019 saa 15:23:13

Umutoza w’Ikipe y’Igihugu ya Cote d’Ivoire, Camara yashyize ahagaragara urutonde rw’abakinnyi 24 bazifashishwa mu mukino Cote d’Ivoire izakina n’ikipe y’u Rwanda mu gushaka itike ya CAN 2019.

Uyu mukino wa nyuma mu itsinda H uzabera kuri Sitade Bouaké mu Mujyi wa Abidjan muri Cote d’Ivoire tariki 23 Werurwe 2019. Cote d’Ivoire irasabwa gutsinda uyu mukino cyangwa se kunganya kugira ngo ibone itike ya CAN 2019.

Ku wa mbere tariki 11 Werurwe 2019  ni bwo umutoza w’ikipe y’u Rwanda, Mashami Vincent na we yatangaje abakinnyi 27 bazavamo abo azifashisha kuri uyu mukino.

Tariki 14 Werurwe 2019 akaba ari bwo batangiye imyitozo bikaba biteganyijwe ko kuva ku wa Mbere tariki 18 Werurwe 2019 abakinnyi baturuka hanze y’u Rwanda bazatangira gusanga bagenzi babo mu myitozo.

Umukino ubanza mu itsinda H wahuje u Rwanda na Cote d’Ivoire warangiye Cote d’Ivoire itsinze u Rwanda ibitego 2-1, umukino wabereye kuri Sitade ya Kigali i Nyamirambo tariki 09 Nzeri 2018.

Mu gihe ikipe ya Cote d’Ivoire izaba yakira u Rwanda, Central African Republic izaba yakiriye Guinea.

Kugeza ubu ikipe ya Guinea ni iyo iyoboye n’amanota 11 igakurikirwa na Cote d’Ivoire n’amanota 8, ku mwanya wa 3 hakaza Central African Republic n’amanota 5 naho u Rwanda rukaza ku mwanya wa nyuma wa 4 n’amanota 2 gusa.

Abakinnyi ba Cote d’Ivoire bahamagawe

Abanyezamu: Cisse Abdoul Karim (ASEC Mimosas), Badra Ali (Free States Stars) na Gbohouo Sylvain (TP Mazembe).

Myugarariro: Eric Bailly (Manchester United), Serge Aurier (Tottenham), Kanon Wilfried (ADO La Haye), Abdoulaye Bamba, Ismael Traore (Angers), Wonlo Coulibaly (ASEC Mimosas), Simon Dely (Slavia Prague) na Mamadou Bagayoko (Red Star).

Hagati : Serey Die (FC Bale), Franck Kessie (Milan AC), Seri Jean Michael (Fulham), Ismael Diomande (Caen), Jean Philippe Gbamin (Mayence) na Angban Victorien (FC Metz)

Rutahizamu : Kodjia Jonathan (Aston Villa), Assale Roger (Young Boys), Pepe Nicolas (Lille), Max Gradel (Toulouse), Mawxel Cornet (Lyon), Yacou Meite (Reading) na Wilfried Zaha (Crystal Palace).

Ubwo Cote d’Ivoire yatsindaga u Rwanda ibitego 2-1 mu mukino ubanza

TANGA IGITEKEREZO

Leave a Reply

Your email address will not be published. Required fields are marked *