18°C , Mostly cloudy | Kigali-Rwanda
Nhlanla Nene (uwo hagati) wari Minisitiri w'imari muri Afurika y'Epfo weguye kubera gukekwaho ruswa

Cameroun: AU yasabye Abanyapolitiki kwirinda icyateza imvururu

Yanditswe na Nshim Janvier

Ku ya 12-10-2018 saa 09:02:04

Umuryango w’Afurika Yunze Ubumwe (AU) wasabye Abanyapolitiki bo muri Cameroun kwirinda kuba umusemburo w’ikintu cyose cyateza imvururu.

Ni mu gihe bagitegereje ibizava mu matora ya Perezida yabaye mu mpera z’icyumweru gishize.

Ni mu itangazo ryatanzwe na Perezida wa Komisiyo ya AU, Moussa Faki Mahamat ku wa Gatatu tariki 10 Ukwakira.

Iryo tangazo ry’uyu muryango uhuza ibihugu byo ku mugabane w’Afurika ryatanzwe kubera ko Umukandida Maurice Kamto yatangaje ko ngo yatsinze amatora kandi urwego rubishinzwe rutararangiza kubara amajwi.

Ibitangazamakuru Jeune Afrique (J.A) n’Ibiro Ntaramakuru by’Abafaransa, AFP, byamenyesheje ko Mahamat ahamagarira abanyapolitiki ba Cameroun kwirinda gukora ikintu cyose cyateza akaga mu gihugu.

Moussa Faki yagize ati « Ndasaba abakandida ku mwanya w’Umukuru w’Igihugu cya Cameroun n’abandi banyapolitiki bose, kwirinda gukora amakosa yagusha igihugu mu makuba bibaturutseho.  Uwumva ko hari icyo yarenganyeho mu matora yabaye ku itariki 7 Ukwakira, azagane ubutabera buzamurenganura »

Impungenge za AU nk’uko bikomeza bitangazwa na AFP na J.A, ngo zishingiye bwa mbere ku byo Kamto yatangarije abanyamakuru ku wa Mbere tariki 8 Ukwakira ko ari we watsinze amatora ya Perezida kandi urwego rw’igihugu rushinzwe amatora rutarayatangaza.

Ibi byari byatangiye gukurura umwuka mubi ku buryo hari n’inzego zasabaga ko umukandida Kamto yahanwa kuko yarenze ku mategeko nkana.

Urwego rumwe rukumbi rufite uburenganzira bwo gutangaza ibyavuye mu matora ya Perezida muri Cameroun, ni Akanama gashinzwe Itegeko Nshinga rya Repubulika ya Kameruni. Biteganyijwe ko amajwi atangazwa bitarenze iminsi 15 uhereye ku munsi amatora yabereyeho.

Nyuma y’urwo rujijo rwatewe n’umukandida Maurice Kamto, ku wa Gatatu tariki 10 Ukwakira abantu biyise indorerezi z’amatora kuva mu Muryango wa ‘Trasparency International’ ngo batangaje ko amatora yo muri Cameroun yagenze neza, amashyaka hafi ya yose y’abatavuga rumwe na Guverinoma aravuga ko abari ku butegetsi bibye amajwi.

Ariko Transparency yabeshyuje ko abo batangaje ko amatora yagenze neza atari abakozi bayo.

TANGA IGITEKEREZO

Leave a Reply

Your email address will not be published. Required fields are marked *