20°C , Partly cloudy | Kigali-Rwanda
Ikipe y'u Rwanda y'abagabo irahura na Sierra Leone muri kimwe cya kabiri kirangiza k'imikino y'Afurika

Beach Volleyball: U Rwanda rwamaze gukatisha itike y’igikombe k’Isi

Yanditswe na NKOMEJE GUILLAUME

Ku ya 25-04-2019 saa 18:14:02

Kuri uyu wa Gatanu tariki 26 Mata 2019, ikipe y’igihugu y’umukino wa Volleyball ikinirwa ku mucanga “Beach Volleyball”  mu bagabo n’abagore barakina imikino ya ½  mu mikino y’Afurika “2019 CAVB Beach Volleyball Cup”  irimo kubera muri  Nigeria kuva tariki 21 Mata 2019.

Ikipe y’u Rwanda y’abagabo igizwe na Ntagengwa Olivier na Akumuntu Kavalo Patrick irahura na Sierra Leone naho iyi kipe y’abagore igizwe na Nzayisenga Charlotte afatanyije na Mukandayisenga Benitha ihure na Mauritius.

Ikipe y’u Rwanda y’abagabo irahura na Sierra Leone muri kimwe cya kabiri kirangiza k’imikino y’Afurika

Iyi kipe y’igihugu y’abagabo yari mu itsinda rya kane “D” hamwe n’ibihugu nka Moroc, Algeria na Misiri yakatishije itike ya ½ nyuma y’uko yitwaye neza itsinda Afurika y’Epfo muri ¼ amaseti 2-0 (21-18 na 21-17).

Iyi kipe yatangiye imikino y’amatsinda itsinda Misiri amaseti 3-1 (20-22, 21 -13 na 15-12), itsinda Maroc mu mukino wa kabiri amaseti 2-0 (21-17 na 21-17) ndetse isoza iyi mikino yo mu itsinda, itsinda na Algeria amaseti 2-0 (21 -14 na 21-14).

Mu kiciro cy’abagore iyi kipe y’u Rwanda yari mu itsinda “B” hamwe na Algeria na Niger nayo yageze muri ½ isezereye Botswana muri ¼ iyitsinze amaseti  2-0 (21-09 na 21-10).

Iyi kipe iri ku mwanya wa mbere muri Afurika yari yatangiye neza itsinda Niger amaseti 2-0 (21-13 na 21-09) yongera gutsinda Algeria amaseti 2-0 (21-11 na 21-19).

Aya makipe y’u Rwanda yombi atozwa na Paul Bitok yamaze gukatisha itike y’igikombe k’Isi muri Beach Volleyball “2019 FIVB Beach Volleyball World Championships” izabera i Hamburg mu Budage kuva tariki 28 Kamena kugeza 7 Nyakanga 2019.

Ikipe y’u Rwanda mu bagore n’abagabo zanabonye n’itike y’igikombe k’isi

 

TANGA IGITEKEREZO

Leave a Reply

Your email address will not be published. Required fields are marked *