28°C , Sunny | Kigali-Rwanda

Beach Volleyball: Ikipe y’u Rwanda mu bagore yageze muri ½ mu irushanwa ry’igikombe k’Isi

Yanditswe na BUGINGO FIDELE

Ku ya 23-08-2019 saa 22:50:14
Ikipe igizwe na Nzayisenga Charlotte na Hakizimana Judith yageze muri 1/2

Ikipe y’u Rwanda mu kiciro cy’abagore igizwe na  Nzayisenga Charlotte na Hakizimana Judith yageze muri ½  k’irangiza mu  irushanwa ryo ku rwego rw’Isi mu mukino wa Volleyball ikinirwa ku mucanga “Beach Volleyball World Tour 2019”  ririmo kubera i Rubavu.

Mu mukino yo gushaka itike ya  ¼  yabaye tariki 23 Kanama 2019, iyi kipe yitwaye neza itsinda ikipe ya Muhoza Louise na Musabyimana  Penelope nayo mu Rwanda ku maseti 2-0 (21-14 na 21-8).

Ikipe igizwe na Nzayisenga Charlotte na Hakizimana Judith yageze muri 1/2

Iyi kipe ni wo mukino yari ikipe kuko itakinnye imikino ibanza yari yabaye tariki 22 Kanama 2019. Mu yindi mikino ya ¼ yabaye, Van Driel na Teinders (Netherlands) batsinze ikipe igizwe na Umulisa na Nyirarukundo amaseti 2-0 (21-08 na 21-10) naho ikipe ya Zibrandtsen na Olsen (Denmark) itsinda ikipe ya Fieny na Miessan (Cote d’Ivoire) amaseti 2-0 (21-5 na 21-8).  Ikipe ya Palmer na Grimson (England) yo ntabwo yakinnye kuko yari yakinnye umukino  ubanza yitwara neza.

Muri iki kiciro  ejo tariki 24 Kanama 2019 ari bwo irushanwa rizasoza hateganyijwe imikino ya ½ ndetse n’imikino ya nyuma.

Mu mikino ya ½,  ikipe igizwe na Van Driel na Teinders (Netherlands) igomba gukina na n’iya Palmer na Grimson (England) saa yine n’iminota 20 (10h20) naho ikipe ya Nzayisenga na Hakizimana igakina n’iya Zibrandtsen na Olsen (Denmark) saa tanu n’iminota 10 (11h10).

Nyuma ikipe  zizatsinda zizahurira ku mukino wa nyuma uteganyijwe  saa munani (14h00) naho izatsinzwe zihatanire umwanya wa 3 (13h00).

Amakipe agomba gukina ½ mu bagabo nayo yamenyekanye

Mu kiciro cy’abagabo nabo amakipe agomba gukina ½ k’irangiza  yamenyekanye. Iyi mikino iteganyijwe tariki 24 Kanama 2019,  ikipe ya Hitoshi Murakami  na  Keisuke Shimizu (Japan) izakina n’iya Nicolay Houmann ufatanya na Jacob Stormly (Denmark) saa mbiri n’igice (8h30) naho saa tatu n’igice (09h30), ikipe igizwe na  Javier Bello na Joaquin Bello (England)  ikine n’iya  (Kensuke Shoji na Masato Kurasaka (Japan).

Ikipe zizatsinda zizakina umukino wa nyuma saa kenda (15h00) naho izatsinzwe zihatanire umwanya wa 3 saa sita (12h00).

Izi kipe zitwaye neza muri  ¼  dore ko  ikipe ya  Hitoshi Murakami  na  Keisuke Shimizu (Japan) yasezereye ikipe ya  Lundgren na Tegenrot (Sweden) ku maseti 2-0 (21-19 na 21-13). Nicolay Houmann ufatanya na Jacob Stormly (Denmark) basezereye ikipe ya  Koshikawa na Ikeda (Japan) ku maseti 2-0 (22-20 na 21-18).

Ikipe y’abana b’impanga, Javier Bello na Joaquin Bello (England)  yasezereye Tellnes na Iverse byn (Cyprus) ku maseti 2-1 (18-21,22-20 na 18-16) naho ikipe  Shoji na Kurasaka (Japan) isezerera ikipe ya  Sramek &Gala (Czech Republic ) amaseti 2-0 (21-18 na 21-17).

Nicolay Houmann ufatanya na Jacob Stormly (Denmark) bageze muri 1/2

Murakami na Shimizu (Japan) nabo bageze muri 1/2

Ubwo Javier Bello na Joaquin Bello (England) bakinaga n’ikipe ya Tellnes na Iverse byn (Cyprus)

TANGA IGITEKEREZO

Leave a Reply

Your email address will not be published. Required fields are marked *