20°C , Partly cloudy | Kigali-Rwanda
The Hoops Rwanda Girls Team BBC bitwaye neza batsinda IPRC-Huye BBC mu mukino wa shampiyona

Basketball: The Hoops yatsinze IPRC-Huye ifata umwanya wa 3

Yanditswe na Nkomeje Guillaume

Ku ya 11-02-2019 saa 08:16:00

Shampiyona y’igihugu y’umukino wa Basketball «BK-Basketball National League 2018-2019 », yari yakomeje mu mpera z’icyumweru gishize aho yari igeze ku munsi wayo wa 21.

The Hoops Rwanda Girls Team BBC yitwaye neza itsinda IPRC-Huye BBC, amanota 63 kuri 51, ni mu mukino wabereye, kuri Sitade Nto i Remera, tariki 09 Gashyantare 2019.

Muri uyu mukino, The Hoops Rwanda Girls Team BBC yatangiye neza itsinda agace ka mbere ku manota 10-5, aka kabiri kuri 21-19, itsindwa aka 3 kuri 17-13 ndetse itsinda aka nyuma kuri 22-12, ibona insinzi ku kinyuranyo cy’amanota 13 (66 kuri 53).

Nzaramba Cecile wahoze ari kapiteni wa IPRC-Huye BBC ni we watsinze amanota menshi na 21 akurikirwa na Mwizerwa Faustine, ukinira The Hoops Rwanda Girls Team BBC winjije amanota 19.

Mu yindi mikino yabaye, ikipe ya GS Ste Marie Reine yatangiye nabi muri shampiyona kuko yaje gutsindwa na APR BBC amanota 73 kuri 37, yongera gutsindwa na Ubumwe BBC amanota 50 kuri 36

Mu bagabo, ikipe ya APR BBC nayo yitwaye neza itsinda UGB amanota 87 kuri 65.

Kuri ubu, Ubumwe BBC irayoboye n’amanota 8 iyanganya na APR BBC, ku mwanya wa 3 hari The Hoops BBC n’amanota 7 ikayanganya na IPRC Huye BBC, UR BBC (5) n’amanota 4 naho Marie Reine BBC ni iya nyuma (6) n’amanota 2.

The Hoops Rwanda Girls Team BBC bitwaye neza batsinda IPRC-Huye BBC mu mukino wa shampiyona

TANGA IGITEKEREZO

Leave a Reply

Your email address will not be published. Required fields are marked *