26°C , Partly sunny | Kigali-Rwanda
REG BBC iherutse gutsindwa na Patriots BBC irakira Espoir BBC mu mukino w'umunsi wa 12

Basketball: Shampiyona y’igihugu igeze ku munsi wa 12

Yanditswe na NKOMEJE GUILLAUME

Ku ya 12-01-2018 saa 09:27:40

Uyu munsi

APR BBC-UGB BBC (Amahoro-18h00)

REG BBC-Espoir BBC (Amahoro-20h00)

Ejo, tariki 13-01-2018

IPRC-South -Patriots (Huye-11h00)

Tariki 14-01-2018

Rusizi BBC- Patriots  (Rusizi-09h00)

Shampiyona y’igihugu y’umukino wa Basketball irakomeza mu mpera z’iki cyumweru hakinwa imikino y’umunsi wa 12.

REG BBC iherutse gutsindwa na Patriots BBC irakira Espoir BBC mu mukino w’umunsi wa 12

Uyu munsi tariki 12 Mutarama 2018, hategerejwe imikino ibiri aho ikipe ya APR BBC yakira UGB BBC (18h00) ndetse REG BBC yakire Espoir BBC (20h00). Iyi  mikino yose irabera kuri Sitade Amahoro i Remera.

Umukino utegerejwe cyane urahuza ikipe ya REG BBC iyoboye urutonde rwa shampiyona n’amanota 9 ndetse na Espoir BBC iri ku mwanya wa  3 n’amanota 8.

Uyu  mukino wa REG BBC na Espoir BBC ufite byinshi usobanuye ku makipe yombi. REG BBC itozwa na Kalima Cyrille irashaka gutsinda kugira ngo ikomeze umwanya wayo wa mbere cyane ko inganya amanota (9) na Patriots BBC iyikurikiye ku mwanya wa kabiri.

Espoir BBC itozwa na Mwiseneza Maxime nayo irifuza insinzi muri uyu mukino bityo yizere kwegera amakipe ayiri imbere aho ayirusha inota rimwe (8) n’ubwo yo  izirusha umukino umwe (6).

REG BBC itari yagaragaye mu kibuga mu mpera z’icyumweru gishize, yatsinzwe na na Patriots BBC mu mukino iheruka gukina ku manota 75 kuri 60 naho Espoir BBC yo yitwaye neza itsinda Rusizi BBC ku manota 95 kuri 52.

Ejo ku wa Gatandatu tariki 13 Mutarama 2018, ikipe ya IPRC-South BBC, izakira Patriots BBC i Huye (11h00) naho ku cyumweru tariki 14 Mutarama 2018, Rusizi BBC izakire Patriots BBC i Rusizi (09h00).

Kugeza ubu, REG BBC iracyayoboye shampiyona n’amanota 9, inganya na Patriots BBC iyikurikiye, hakaza Espoir BBC, IPRC-South BBC, APR BBC na UGB BBC zose zifite 8, IPRC-Kigali BBC n’amanota 6 naho Rusizi BBC ikaba iya nyuma n’amanota 4.

TANGA IGITEKEREZO

Leave a Reply

Be the First to Comment!

avatar