21°C , Partly cloudy | Kigali-Rwanda
Sano Dick Rutatika werekeje muri NBA Academy Africa

Basketball: Rutatika yerekeje mu ishuri rya ‘NBA Academy Africa’

Yanditswe na NKOMEJE GUILLAUME

Ku ya 18-10-2018 saa 14:52:37

Sano Rutatika Dick yerekeje mu ishuri rya shampiyona ya Basketball yo muri Leta Zunze Ubumwe z’Amerika “NBA Academy Africa” riherereye i Dakar muri Senegal.

Tariki 14 Ukwakira 2018 ni bwo yerekeje i Dakar nyuma yo gusoza amarushanwa ahuza ibigo by’amashuri mu batarengeje imyaka 15 “2018 Junior NBA League Rwanda”.

Rutatika w’imyaka 14, upima ibiro 89 yafashije Green Hills Academy kwegukana igikombe mu bahungu batsinze Sonrise ku mukino wa nyuma amanota 54 kuri 28. Yatsinzemo amanota menshi (31), binamuha kuba umukinnyi mwiza.

Sano Dick Rutatika werekeje muri NBA Academy Africa

Rutatika wari ugeze mu mwaka wa 3 w’ikiciro rusange cy’amashuri yisumbuye muri Green Hills Academy yaherukaga kujyanya n’ikipe y’abakinnyi bakomoka muri Afurika yitabiriye shampiyona y’Isi ya Basketball yo muri Amerika “Jr.NBA world championship” y’abatarengeje imyaka 14 yabereye Orlando muri Florida kuva tariki 7-12 Kanama 2018.

Muri iri shuri rya “NBA Academy Africa” ribarizwa muri Senegal ryafunguwe mu 2016, uretse amasomo abana bahabwa, bigishwa guhangana ku rwego rwo hejuru muri Basketball, bagira n’amahirwe yo gukina imikino mpuzamahanga ndetse n’imikino ibanziriza iy’ibihangange izwi nka “Exhibition Games” ari na yo ishobora gutuma babonwa n’impuguke z’abatoza zibatwara mu makipe akomeye ku migabane itandukanye yo ku Isi.

TANGA IGITEKEREZO

Leave a Reply

Your email address will not be published. Required fields are marked *