21°C , Partly sunny | Kigali-Rwanda
Umutoza wa REG BBC, Ngwijuruvugo Richard Patrick yatangaga amabwiriza ku bakinnyi be mu mukino uheruka batsinzwemo na Patriots BBC

Basketball: REG BBC irakira APR BBC ku munsi wa 15 wa shampiyona

Yanditswe na Nkomeje Guillaume

Ku ya 11-01-2019 saa 11:08:07

Kuri uyu wa Gatanu tariki 11 Mutarama 2019, shampiyona y’igihugu y’umukino wa Basketball “BK- Basketball National League 2018-2019” irakomeza aho REG BBC yakira APR BBC mu mukino wo ku munsi wa 15 ubere kuri Sitade Nto Amahoro i Remera saa mbiri (20h00).

Uyu mukino ugiye guhuza REG BBC ya kabiri ku rutonde rwa shampiyona n’amanota 11 mu mikino 6, ikaba ikurikirwa na APR BBC ya 3 n’amanota 10 mu mikino 6.

REG BBC nta bwo yitwaye neza mu mukino uheruka kuko yatsinzwe na Patriots BBC amanota 82 kuri 78. Ni mu gihe APR BBC yo yatsinze imikino ibiri yakiniye hanze ya Kigali, irimo uwa Rusizi ku manota 81 kuri 62 ndetse n’uwa UR Huye BBC ku manota 100 kuri 54.

Uyu mukino uraba wabanjirijwe n’umukino wa Patriots BBC yakiramo Rusizi BBC muri NPC (18h00). Ejo tariki 12 Mutarama 2019 muri CSK, UGB izakina na IPRC Huye BBC (11h00) naho Espoir BBC izakine na Rusizi BBC (13h00).

Ku cyumweru tariki 13 Mutarama 2019, UGB izakina na UR BBC (11h00) ndetse Patriots BBC izakine na IPRC Huye (13h00). Iyi mikino yombi izabera kuri Sitade Nto Amahoro i Remera.

Mu kiciro cy’abagore, hateganyijwe imikino ibiri, tariki 11 Mutarama 2019, The Hoops BBC irakina na APR BBC (18h00) naho ku cyumweru tariki 13 Mutarama 2019, APR BBC izakine na UR BBC (09h00). Iyi mikino yombi izabera kuri Sitade Nto Amahoro i Remera.

Patriots BBC iyoboye urutonde n’amanota 12 mu mikino 6, ikurikirwa na REG BBC n’amanota 11 mu mikino 6 hakaza APR BBC na 10.

Umutoza wa REG BBC, Ngwijuruvugo Richard Patrick yatangaga amabwiriza ku bakinnyi be mu mukino uheruka batsinzwemo na Patriots BBC

TANGA IGITEKEREZO

Leave a Reply

Your email address will not be published. Required fields are marked *