17°C , Partly cloudy | Kigali-Rwanda

Basketball:  REG BBC igiye gukina na Patriots BBC muri shampiyona

Yanditswe na BUGINGO FIDELE

Ku ya 14-02-2020 saa 11:26:41
Ikipe ya REG BBC igiye gukina na Patriots BBC yayitwaye igikombe cya shampiyona giheruka

Tariki 14-02-2020

Tigers-Espoir BBC (Amahoro-18h00)

REG BBC-Patriots BBC (Amahoro-20h00)

Mu mpera z’iki cyumweru tariki 14 kugeza 16 Gashyantare 2020, shampiyona ya Basketball irakomeza mu bagore n’abagabo.

Kuri uyu wa Gatanu tariki 14 Gashyantare 2020 hateganyijwe imikino 2 aho ikipe ya Tigers iza kwakira Espoir BBC (1800) naho ikipe ya REG BBC yakire Patriots BBC (20h00). Iyi mikino  yombi irabera kuri Sitade Nto Amahoro i Remera.

Izi kipe zikunze guhangana cyane, mu mwaka w’imikino uheruka wa 2018-2019, Patriots BBC yatwaye igikombe itsinze REG BBC imikino 4 kuri 3.

Mbere y’uko umwaka w’imikino wa 2019-2020 utangira izi kipe zahuye ubugira gatatu, ikipe ya REG BBC yihimura kuri Patriots BBC iyitsinda iyi mikino 2. Mu irushanwa ry’Agaciro, REG BBC yatsinze Patriots BBC amanota 61 kuri 50, mu irushanwa ritegurwa na UGB “Legacy Tournament”,  Patriots BBC yatsinze REG BBC amanota 68 kuri 59 naho mu irushanwa ribanziriza shampiyona REG BBC itsinda Patriots BBC amanota 60 kuri 54.

Indi mikino iteganyijwe

Tariki 15 Gashyantare 2020, imikino izakomeza aho IPRC Musanze BBC izakira UR Huye (12h00), ikipe ya 30 Plus izakira Rusizi BBC kuri Club Rafiki (14h00), IPRC Kigali ikine na Tigers muri IPRC Kigali (14h00) naho  Patriots BBC ikine na Shoot For The Stars muri IPRC Kigali (16h00).

Imikino izakomeza tariki 16 Gashyantare 2020 aho REG BBC izakira 30 Plus BBC (11h00), IPRC Kigali ikine na UR CMHS (13h00). Iyi mikino izabera kuri Sitade Nto Amahoro i Remera.

Ikipe ya Espoir BBC izakina na Rusizi BBC (09h00), UGB BBC ikine UR Huye BBC (13h00), imikino izabera kuri  Club Rafiki. Ikipe ya IPRC Musanze izakina na IPRC Kigali (13h00), umukino uzabera i Musanze.

Mu kiciro cy’abagore hateganyijwe imikino 3 aho tariki 15 Gashyantare 2020, ikipe GS Marie Reine Rwaza izakina na UR Huye i Rwaza  (09h00). Tariki 16 Gashyantare 2020,  Ubumwe BBC izakira UR Huye kuri Club Rafiki (11h00) naho GS Marie Reine Rwaza  yakire IPRC Huye  i Rwaza (11h00).

Kuri ubu mu kiciro cy’abagabo, APR BBC irayoboye n’amanota 5 inganya na Patriots BBC, UGB, 30 Plus na IPRC Huye. Ku mwanya wa 6 hari REG BBC n’amanota 4. Ku mwanya wa nyuma wa 13 hari IPRC Musanze n’amanota 4.

Mu bagore ikipe ya IPRC Huye irayoboye n’amanota 4 inganya n’Ubumwe BBC naho ku mwanya wa 3 hari ikipe ya APR BBC n’amanota 3 naho ku mwaya wa nyuma wa 6 hari GS Marie Reine Rwaza n’amanota 3.

Umwanditsi:

BUGINGO FIDELE

Tanga Igitekerezo

Email yanyu ntigaragazwa ku rubuga. Amazina na Email ni ngombwa.