22°C , Mostly cloudy with thunderstorms | Kigali-Rwanda
Mu mukino ikipe ya REG BBC yatsinzemo IPRC-Kigali BBC amanota 94 kuri 62

Basketball: Hamenyekanye amakipe azakina ½ k’irushanwa ryo kwibuka

Yanditswe na NKOMEJE GUILLAUME

Ku ya 15-05-2018 saa 07:16:40

Imikino yo mu matsinda y’irushanwa ryo kwibuka abari abakinnyi, abayobozi n’abakunzi b’umukino wa Basketball bazize Jenoside yakorewe Abatutsi mu 1994 “Genocide Memorial Tournament 2018” ku makipe y’imbere mu gihugu yabaye mu mpera z’icyumweru gishize yasize REG BBC, APR BBC, Patriots BBC ndetse na Espoir BBC zikatishije itike ya ½ k’irangiza.

Mu mukino ikipe ya REG BBC yatsinzemo IPRC-Kigali BBC amanota 94 kuri 62

Muri iyi mikino ya ½ izaba tariki 18 Gicurasi 2018 kuri Sitade Amahoro, REG BBC yazamutse iyoboye itsinda rya mbere “A” izahura na Espoir BBC yabaye iya kabiri mu itsinda rya kabiri “B” (18h00) naho Patriots BBC yabaye iya mbere mu itsinda “B” izahure na APR BBC yazamutse ari iya kabiri mu itsinda  “A” (20h00).

Uko aya makipe yitwaye mu mikino y’amatsinda

REG BBC yabaye iya mbere mu itsinda “A” yatsinze imikino yose (3). Yatsinze IPRC-Kigali BBC amanota  94 kuri 61, ikipe y’igihugu U-18  (91 kuri 25) ndetse na APR BBC (76 kuri 62).

APR BBC ya kabiri yatsinze imikino (2) itsindwa (1).Yatsinze ikipe y’igihugu U-18  amanota 74 kuri 50, IPRC-Kigali BBC (89 kuri 67).

Mu itsinda rya “B”, Patriots BBC ya mbere yatsinze imikino yose (4). Yatsinze  Rusizi BBC amanota 102 kuri 38, IPRC-South BBC (82 kuri 54), Espoir BBC (70 kuri 62) ndetse na UGB BBC (80 kuri 35).

Espoir BBC yazamutse ari iya kabiri yatsinze imikino (3). Yatsinze UGB BBC amanota 65 kuri 52, Rusizi BBC amanota 84 kuri 59 na IPRC-South BBC  amanota 91 kuri 80.

Mu bagore habaye imikino ibiri gusa. APR BBC yatsinze IPRC-South BBC amanota 70 kuri   63 naho Ubumwe BBC  itsinda ikipe y’igihugu U-18  amanota 62 kuri 57.

Mu mwaka ushize, Espoir BBC ni yo yegukanye igikombe k’irushanwa ryo kwibuka itsinze REG BBC amanota 61 kuri 58. Naho mu kiciro cy’abagore igikombe cyatwawe na APR BBC.

 

TANGA IGITEKEREZO

Leave a Reply

Be the First to Comment!

avatar